ព័ត៌មានអន្ដរជាតិ
ណាតូ ចង់ពង្រឹងទឹកដីសម្ព័ន្ធមិត្តទាំងមូលដើម្បីទប់ទល់ជម្លោះយូរអង្វែងនៅ អ៊ុយក្រែន
អគ្គលេខាធិការអង្គការណាតូលោក Jens Stoltenberg បាននិយាយកាលពីថ្ងៃចន្ទថា ណាតូចង់ពង្រឹងសមត្ថភាពការពារទាំងនៅភាគខាងកើត និងទូទាំងទឹកដីទាំងមូលរបស់សម្ព័ន្ធមិត្ត ដើម្បីអាចទប់ទល់នឹងការគំរាមកំហែងពីគ្រប់ទិសទី ជាពិសេសទប់ទល់នឹងជម្លោះដ៏យូរនៅក្នុងប្រទេសអ៊ុយក្រែន ។
លោក Stoltenberg បានប្រាប់កាសែត ABC របស់អេស្ប៉ាញថា គ្មាននរណាម្នាក់អាចប្រាប់បានទេថា តើជម្លោះនៅអ៊ុយក្រែននឹងបញ្ចប់ក្នុងពេលឆាប់ៗនេះ ឬក៏យ៉ាងណានោះទេ ប៉ុន្តែសម្ព័ន្ធភាពគួរតែត្រៀមខ្លួនថា អរិភាពនៅទីនោះនឹងមានរយៈពេលយូរ ខណៈលោកក៏បានជំរុញឲ្យប្រទេសណាតូគាំទ្រសិទ្ធិស្វ័យការពាររបស់អ៊ុយក្រែនផងដែរ ។
ប្រធានសម្ព័ន្ធភាពរូបនេះក៏បានសង្កត់ធ្ងន់ថា ប្លុកណាតូនឹងចាប់ផ្តើមផ្លូវឆ្ពោះទៅរកកិច្ចសហប្រតិបត្តិការស៊ីជម្រៅជាមួយសហភាពអឺរ៉ុប និងបណ្តាប្រទេសក្នុងតំបន់ឥណ្ឌូប៉ាស៊ីហ្វិកនៅឯកិច្ចប្រជុំកំពូលក្នុងទីក្រុង Madrid ដែលគ្រោងនឹងធ្វើឡើងនៅថ្ងៃទី ២៩ ដល់ថ្ងៃទី ៣០ ខែមិថុនា ។
លោក Stoltenberg បាននិយាយនៅក្នុងពិធីរំលឹកខួបលើកទី ៤០ នៃការចូលជាសមាជិកណាតូរបស់អេស្ប៉ាញថា “ហ្វាំងឡង់ និងស៊ុយអែតក៏អាចនឹងចូលរួមក្នុងកិច្ចប្រជុំកំពូលនេះផងដែរ ហើយវានឹងក្លាយជាថ្ងៃប្រវត្តិសាស្ត្ររបស់ប្រទេសទាំងពីរសម្រាប់សមាជិកភាពក្នុងសម្ព័ន្ធភាពនេះ” ។
គួររម្លឹកឡើងវិញថា កាលពីដើមខែឧសភា ប្រទេសហ្វាំងឡង់ និងស៊ុយអែតបានដាក់សំណើចូលជាសមាជិកភាពក្នុងអង្គការណាតូ ប៉ុន្តែតួកគីបានរារាំដោយអះអាងថា ប្រទេស Nordic ទាំងពីរកំពុងគាំទ្រគណបក្សពលករឃឺដ ដែលត្រូវបានចាត់ទុកថាជាភេរវករនៅក្នុងប្រទេសតួកគី និងប្រទេសមួយចំនួនទៀត ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២៤ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ