ព័ត៌មានអន្ដរជាតិ

លោក Zelensky ថា រុស្ស៊ី បិទមិនឲ្យ អ៊ុយក្រែន នាំចេញគ្រាប់ធញ្ញជាតិ ២២ លានតោន

បានផុស

៣ years មុន

នៅ

ថ្ងៃអង្គារ ៣១ ឧសភា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បាននិយាយថា អ៊ុយក្រែនមិនអាចនាំចេញគ្រាប់ធញ្ញជាតិប្រមាណ ២២ លានតោនបានទេ ដោយសាររុស្ស៊ីបានបិទកំពង់ផែនៅសមុទ្រខ្មៅ និងបានដណ្តើមយកផ្នែកខ្លះនៃសមុទ្រ Azov ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសារជាវីដេអូកាលពីថ្ងៃចន្ទលោក Zelenskyy បាននិយាយថា ការបិទផ្លូវកំពង់ផែរបស់អ៊ុយក្រែននេះក៏បង្ហាញផងដែរថា ប្រទេសរុស្ស៊ីកំពុងបង្កឲ្យមានវិបត្តិស្បៀងអាហារពិភពលោក ។

លោកបាននិយាយថា ការបិទផ្លូវនេះកំពុងធ្វើឲ្យស្ថានការណ៍នៅទូទាំងពិភពលោកអស្ថិរភាព ហើយជាលទ្ធផល អាហារកំពុងឡើងថ្លៃក្នុងប្រទេសផ្សេងៗ ហើយវាក៏កំពុងគំរាមកំហែងនៃគ្រោះទុរ្ភិក្សនៅក្នុងទ្វីបអាហ្រ្វិក អាស៊ី និងប្រទេសអឺរ៉ុបមួយចំនួន ។

លោក Zelensky បញ្ជាក់ថា ការគំរាមកំហែងនេះក៏អាចក្លកាយជាវិបត្តិជនចំណាកស្រុកថ្មី ហើយថ្នាក់ដឹកនាំរុស្ស៊ីកំពុងមានចេតនាបង្កើតបញ្ហានេះឡើង ។ លោកបាននិយាយថា បណ្តាប្រទេសនៅអាហ្វ្រិក និងអាស៊ីកំពុងត្រូវបានរុស្ស៊ីប្រើជាបន្ទះឈីបចរចា ។

ជាចុងក្រោយលោក Zelensky បាននិយាយថា “រុស្ស៊ីបានលួចគ្រាប់ធញ្ញជាតិរបស់អ៊ុយក្រែនយ៉ាងហោចណាស់កន្លះលានតោន ហើយកំពុងស្វែងរកវិធីដើម្បីលក់វាដោយខុសច្បាប់នៅកន្លែងណាមួយផ្សេងទៀត ៕