អាមេរិក ត្រៀមលក់យន្តហោះគ្មានមនុស្សបើកទំនើប បំពាក់មីស៊ីល ឲ្យ អ៊ុយក្រែន (មានវីដេអូ)

រដ្ឋបាលលោក​ Joe Biden គ្រោងនឹងលក់យន្តហោះគ្មានមនុស្សបើកធុន MQ-1C Grey Eagle ចំនួន៤គ្រឿងទៅឲ្យ ប្រទេសអ៊ុយក្រែន។

MQ-1C Grey Eagle គឺជាប្រភេទយន្តហោះគ្មានមនុស្សបើក ដែលអាចបំពាក់ដោយមីស៊ីល Hellfire សម្រាប់ប្រើប្រាស់ក្នុងសមរភូមិ ប្រយុទ្ធតទល់នឹងរុស្ស៊ី។

ការលក់នេះត្រូវបានគេនិយាយថា មានសារសំខាន់ខ្លាំងណាស់ ព្រោះវាជាលើកដំបូងហើយ ដែលប្រព័ន្ធអាវុធដ៏ទំនើបនិងមានសមត្ថភាពវាយប្រហារខ្ពស់របស់អាមេរិក ត្រូវបានដាក់ពង្រាយប្រឆាំងនឹងរុស្ស៊ី នៅក្នុងតំបន់នៃប្រតិបត្តិការយោធាពិសេសរបស់ខ្លួន។

ប្រព័ន្ធយន្តហោះគ្មានមនុស្សបើក Grey Eagle គឺជាការលោតផ្លោះខាងបច្ចេកវិទ្យា ព្រោះវាអាចហោះហើរបានរយៈពេល៣០ម៉ោង ឬយូរជាងនេះ អាស្រ័យលើបេសកកម្ម ហើយអាចប្រមូលទិន្នន័យបានយ៉ាងច្រើនសម្រាប់ហេតុផលស៊ើបការណ៍។ លើសពីនេះ Grey Eagle ក៏អាចផ្ទុកមីស៊ីល Hellfire ដល់ទៅ៨គ្រាប់ផងដែរ។

ទោះបីជាយ៉ាងណាក៏ដោយ ការលក់យន្តហោះគ្មានមនុស្សបើកដែលផលិតដោយក្រុមហ៊ុន General Atomic ប្រភេទនេះ នៅតែអាចទទួលការរារាំងដោយសភាអាមេរិក ហើយក៏មានហានិភ័យផងដែរថា ការផ្លាស់ប្តូរគោលនយោបាយនៅនាទីចុងក្រោយ អាចបំផ្លាញផែនការនេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik, Al Jazeera

ចុចអាន៖ ប្រមុខណាតូ ទៅអាមេរិក ដើម្បីពិភាក្សាជាមួយលោក Biden និងមន្ត្រីកំពូលៗ