ព័ត៌មានអន្ដរជាតិ

WHO បង្ហាញថា មនុស្សជាង២ភាគ៣ទូទាំងពិភពលោកមានអង់ទីគ័រការពារកូវីដ

បានផុស

២ years មុន

នៅ

ថ្ងៃសុក្រ ៣ មិថុនា ២០២២

ដោយ

អង្គការសុខភាពពិភពលោក (WHO) បាននិយាយថា មនុស្សជាង២ភាគ៣នៃចំនួនប្រជាជនទូទាំងពិភពលោកមានអង់ទីគ័រដ៏សំខាន់ក្នុងការបង្ការជំងឺកូវីដ-១៩ ដែលមានន័យថា ពួកគេបានឆ្លងវីរុស ឬចាក់វ៉ាក់សាំងបង្ការ។

WHO បាននិយាយក្នុងសេចក្តីសង្ខេបនៃការស្រាវជ្រាវទូទាំងពិភពលោកមួយថា អ្វីដែលហៅថា អត្រាប្រេវ៉ាឡង់ (ប្រព័ន្ធការពារ) បានកើនឡើងដល់៦៧%ក្នុងខែតុលា ពី១៦%ក្នុងខែកុម្ភៈ កាលពីឆ្នាំ២០២១។ ដោយសារតែការលេចឡើងវីរុស Omicron ដែលរាលដាលយ៉ាងឆាប់រហ័ស ទិន្នន័យប្រហែលជាខ្ពស់ជាងឥឡូវនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រមូលផ្តុំរបស់អង្គការសុខភាពពិភពលោកផ្តល់ឲ្យនូវផ្ទាំងរូបភាពដែលពិភពលោកបានកំពុងកើនឡើងនូវភាពធន់ល្អចំពោះជំងឺរាតត្បាត។ នៅពេលវ៉ាក់សាំងផ្តល់ឲ្យត្រឹមតែការពារនឹងការឆ្លងវីរុស Omicron, អង្គការ WHO នៅតែជំរុញឲ្យបណ្តាប្រទេសនានាបង្កើនការចាក់វ៉ាក់សាំង ជាពិសេសដល់ក្រុមមនុស្សមានហានិភ័យខ្ពស់ ពីព្រោះប្រព័ន្ធភាពស៊ាំផ្តល់ឲ្យនូវកម្រិតការពារកាន់តែខ្ពស់ប្រឆាំងនឹងជំងឺធ្ងន់ធ្ងរជាងការឆ្លង។

យោងតាមការសិក្សាបង្ហាញថា WHO បានបន្តថា ប្រជាជនដែលបានឆ្លងកូវីដ-១៩ និងបានចាក់វ៉ាក់សាំងមានមូលដ្ឋានគ្រឹះការពារល្អបំផុតប្រឆាំងនឹងការឈឺធ្ងន់ធ្ងរ បើទោះជាវាមិនច្បាស់ថា តើវាអាចជាការពិតទេជាមួយវីរុសបំប្លែងខ្លួនថ្មីឬយ៉ាងណាក៏ដោយ។

WHO និយាយថា ទិន្នន័យបង្ហាញពីកម្រិតទាបនៃអត្រាប្រេវ៉ាឡង់នៅក្នុងកុមារដែលមានអាយុក្រោម៩ឆ្នាំ និងក្នុងមនុស្សអាយុច្រើនជាង៦០ឆ្នាំ បើប្រៀបធៀបនឹងមនុស្សក្នុងវ័យ២០ឆ្នាំ។

វត្តមានអង់ទីគ័រជាទូទៅថយចុះតាមពេលវេលា ហើយកម្រិត និងភាពធន់នៃប្រព័ន្ធស៊ាំអាស្រ័យលើកត្តាជាច្រើន។ អង្គការសុខភាពពិភពលោកនិយាយថា ការសិក្សាបន្ថែមគឺចាប់បាច់ដើម្បីកំណត់ថាតើការការពារបានថយចុះឆាប់រហ័សកម្រិតណា៕

ប្រែសម្រួល៖ វីរបុត្រ
ប្រភព៖ bloomberg

Related Topics:អង្គការសុខភាពពិភពលោក (WHO)