ឆេះឃ្លាំងកុងតឺន័រនៅ បង់ក្លាដែស ស្លាប់និងរបួសមនុស្សជាង ១០០នាក់

មនុស្សចំនួន៥នាក់បានស្លាប់ និងប្រហែល១០០នាក់រងរបួស បន្ទាប់ពីអគ្គិភ័យដ៏ធំមួយបានឆាបឆេះឃ្លាំងកុងតឺន័រនៅទីក្រុង Sitakunda ភាគអាគ្នេយ៍ប្រទេសបង់ក្លាដែសកាលពីថ្ងៃសៅរ៍ទី ៤ខែមិថុនា។

មន្ត្រីសេវាកម្មពន្លត់អគ្គិភ័យ លោក Jalal Ahmed បាននិយាយថា អគ្គិភ័យបានឆាបឆេះនៅឃ្លាំងកុងតឺន័រមួយកន្លែង ដែលមានចម្ងាយត្រឹមតែ ៤០ គីឡូម៉ែត្រប៉ុណ្ណោះ នៅខាងក្រៅកំពង់ផែសមុទ្រដ៏សំខាន់ Chittagong មុនពាក់កណ្តាលអធ្រាត្រ។

កម្លាំងពន្លត់អគ្គិភ័យជាច្រើននាក់ បានប្រញាប់ប្រញាល់ទៅកាន់កន្លែងកើតហេតុ ដើម្បីពន្លត់ភ្លើង។

ក្នុង​ចំណោម​អ្នក​រង​របួស មាន​មនុស្ស​២០​នាក់​ស្ថិត​ក្នុង​ស្ថានភាព​ធ្ងន់ធ្ងរ ​ដោយ​មាន​ការ​រលាក​គ្រប​ដណ្ដប់​ចន្លោះ​ពី​៦០​ទៅ​៩០​ភាគរយ​លើ​រាង​កាយ​របស់​ពួក​គេ។

លោក Ruhul Amin Sikder អ្នកនាំពាក្យសមាគមកុងតឺន័របង់ក្លាដែស (BICA) បាននិយាយថា កុងតឺន័រមួយចំនួននៅឃ្លាំងឯកជនផ្ទៃដី៣០ហិចតាមួយនេះ មានផ្ទុកសារធាតុគីមី រួមទាំង hydrogen peroxide ផងដែរ។

អ្នកគ្រប់គ្រងឃ្លាំង B.M. Container Depot លោក Mujibur Rahman បាននិយាយថា មូលហេតុនៃការឆាបឆេះនេះ នៅមិនទាន់ដឹងនៅឡើយ៕

ប្រែសម្រួល៖ Vann Vann

ប្រភព៖ CNA

ចុចអាន៖ ឆេះរោងចក្រនៅ បង់ក្លាដែស ស្លាប់មនុស្ស ៤៣នាក់