ព័ត៌មានអន្ដរជាតិ

ទ័ព អ៊ុយក្រែន ដុតគ្រាប់ធញ្ញជាតិ ពោត និងស្រូវសាលីរាប់តោន ពេលចេញពីក្រុង Mariupol

បានផុស

៣ years មុន

នៅ

ថ្ងៃចន្ទ ៦ មិថុនា ២០២២

ដោយ

លោក Yan Gagin ទីប្រឹក្សារបស់មេដឹកនាំសាធារណរដ្ឋប្រជាមានិត Donetsk (DPR) បានប្រាប់ Sputnik ថា ទាហានអ៊ុយក្រែនបានដុតបំផ្លាញគ្រាប់ធញ្ញជាតិជាច្រើនតោននៅកន្លែងស្តុកទុកក្នុងកំពង់ផែសមុទ្រ Mariupol ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Gagin បាននិយាយថា “មានគ្រាប់ធញ្ញជាតិ ពោត និងស្រូវសាលីជាច្រើនតោននៅលើទឹកដីនៃកំពង់ផែ Mariupol ហើយសត្រូវដែលបានដកថយពីកំពង់ផែនេះបានដុតកម្ទេចរបស់មានតម្លៃទាំងនេះចោល ដើម្បីកុំឲ្យធ្លាក់ទៅដល់ដៃសាធារណៈរដ្ឋប្រជាមានិត Donetsk ដូច្នេះវាមិនអាចប្រើប្រាស់បានតាមមធ្យោបាយណាមួយឡើយ” ។

លោកបានបន្ថែមថា ក្រុមអ្នកពន្លត់អគ្គិភ័យបានធ្វើការពន្លត់ភ្លើងអស់ជាច្រើនថ្ងៃមកហើយ ជាលទ្ធផល គ្រាប់ធញ្ញជាតិខូចខាតទាំងស្រុង ហើយមិនអាចប្រើជាចំណីសម្រាប់គោក្របីទៀតផងដែរ ។

ទន្ទឹមនោះ អ្នកឆ្លើយឆ្លងព័ត៌មាន Sputnik ដែលបានទៅមើលកន្លែងស្តុកគ្រាប់ធញ្ញជាតិក្នុងទីក្រុង Mariupol បានរាយការណ៍ថា ទីក្រុងនេះមានសមត្ថភាពផ្ទុកគ្រាប់ធញ្ញជាតិប្រមាណ ៥៧,០០០ តោន ហើយស្រូវសាលី និងពោតភាគច្រើននៅទីនោះឥឡូវនេះមិនអាចយកមកប្រើប្រាស់បានទេ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មន្ត្រី UN ថា សង្រ្គាម រុស្ស៊ី-អ៊ុយក្រែន នឹងគ្មានអ្នកឈ្នះឡើយ