អត់ខ្វល់ ពូទីន ព្រមាន, អង់គ្លេស ប្រកាសបញ្ជូនមីស៊ីលរយៈចម្ងាយឆ្ងាយលើកដំបូង ទៅឲ្យ អ៊ុយក្រែន

ចក្រភព​អង់គ្លេស នឹង​បញ្ជូនមីស៊ីល​រយៈ​ចម្ងាយ​ឆ្ងាយ​ជា​លើក​ដំបូង​របស់​ខ្លួន ​ទៅឲ្យ​អ៊ុយក្រែន បើ​ទោះ​បី​ជា​មាន​ការ​ព្រមាន​ពី​ប្រធានាធិបតី​រុស្ស៊ី​លោក វ្ល៉ាឌីមៀរ ពូទីន ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បានព្រមានថា ការវាយប្រហារលើអ៊ុយក្រែននឹងកើនឡើងកាន់តែខ្លាំង ប្រសិនបើបណ្តាប្រទេសលោកខាងលិច នៅតែបន្តផ្គត់ផ្គង់អាវុធរយៈចម្ងាយឆ្ងាយ ដល់ទីក្រុង កៀវ។

ការ​ប្រកាស​របស់​ចក្រភព​អង់គ្លេស​ធ្វើ​ឡើង​មួយ​សប្តាហ៍ ​បន្ទាប់​ពី​អាមេរិក​​និយាយ​ថា ​ខ្លួន​ក៏​កំពុង​ផ្គត់ផ្គង់​ប្រព័ន្ធ​រ៉ុកកែត​ដល់ ​អ៊ុយក្រែន​ដែរ។

យោងតាមរដ្ឋាភិបាលចក្រភពអង់គ្លេស, យោធាអ៊ុយក្រែននឹងត្រូវបានបណ្តុះបណ្តាលអំពីរបៀបប្រើប្រាស់ប្រព័ន្ធបាញ់បង្ហោះគ្រាប់រ៉ុកកែតពហុមុខងារធុន M270 ក្នុងរយៈពេលប៉ុន្មានសប្តាហ៍ខាងមុខនេះ។

រដ្ឋមន្ត្រីការពារជាតិអង់គ្លេស លោក Ben Wallace បាននិយាយថា ចក្រភពអង់គ្លេសកំពុងផ្គត់ផ្គង់ដល់ទាហានអ៊ុយក្រែននូវអាវុធសំខាន់ៗដែលពួកគេត្រូវការ ដើម្បីការពារប្រទេសរបស់ពួកគេពីការលុកលុយ។ ដោយសារយុទ្ធសាស្ត្រ​របស់​រុស្ស៊ី​ផ្លាស់ប្តូរ ដូច្នេះ​យើង​ត្រូវតែ​គាំទ្រ​អ៊ុយក្រែន​”៕

ប្រែសម្រួល៖ Vann Vann

ប្រភព៖ BBC

ចុចអាន៖ ប្រទេសអឺរ៉ុបមួយទៀត ប្រកាសផ្តល់អាវុធធុនធ្ងន់ដល់ទីក្រុង កៀវ ថែមទាំងបង្វឹកទាហានអ៊ុយក្រែនទៀតផង