ព័ត៌មានអន្ដរជាតិ

អ្នកកាសែតជាង ៣០ នាក់ហើយស្លាប់ក្នុងសង្គ្រាមនៅ អ៊ុយក្រែន

បានផុស

៣ years មុន

នៅ

ថ្ងៃអង្គារ ៧ មិថុនា ២០២២

ដោយ

អនុប្រធានទីមួយនៃក្រុមប្រឹក្សាជាន់ខ្ពស់អ៊ុយក្រែនលោក Oleksandr Korniyenk បាននិយាយថា អ្នកកាសែតសរុបចំនួន ៣២ នាក់បានស្លាប់ ចាប់តាំងពីផ្ទុះសង្រ្គាមលុកលុយរបស់រុស្ស៊ីលើអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងការគោរពវិញ្ញាណក្ខន្ធដល់បុគ្គលិកប្រព័ន្ធផ្សព្វផ្សាយដែលបានបាត់បង់ជីវិតក្នុងសង្គ្រាមនេះ, លោក Korniyenk បាននិយាយថា “យើងស្រឡាញ់ និងចងចាំអ្នកសារព័ត៌មានដែលបានបាត់បង់ជីវិតនាពេលកន្លងមក” ។ លោកបានបន្ថែមថា “សូមអរគុណចំពោះភាពក្លាហាន និងកម្លាំងការងារផ្នែកព័ត៌មានរបស់អ្នកក្នុងការការពារអ៊ុយក្រែន” ។

ក្នុងអំឡុងខែដំបូងនៃការលុកលុយរបស់រុស្ស៊ី អ្នកកាសែត ២ នាក់ត្រូវបានសម្លាប់ នៅពេលដែលការបាញ់កាំភ្លើងធំសំដៅទៅលើក្រុមការងារប៉ុស្តិ៍ទូរទស្សន៍ Fox News របស់សហរដ្ឋអាមេរិក ។

បើយោងតាមសារព័ត៌មានគ្មានព្រំដែនបានឲ្យដឹងថា អ្នកកាសែត ២ នាក់ដំបូងនោះគឺលោក Pierre Zakrzewski អាយុ ៥៥ ឆ្នាំជាអ្នកថតរូប និងលោកស្រី Olexandra Kuvshynova អាយុ ២៤ ឆ្នាំជាអ្នកកាសែតអ៊ុយក្រែនធ្វើការឲ្យទូរទស្សន៍ Fox News ៕

ប្រែសម្រួលដោយ ៖ ជីវ័ន្ត

ប្រភព ៖ Sky News

ចុចអាន ៖ ដឹងទេក្នុងមួយថ្ងៃៗ រុស្ស៊ី កើបលុយពីចំណូលប្រេងបានប៉ុន្មានលាន?