យប់នេះមានបាតុភូតមហាកម្រមួយដែលមិនធ្លាប់កើតឡើងសោះរយ:ពេលជិត ៤០០ ឆ្នាំ

នៅរាត្រីថ្ងៃចន្ទ ទី២១ ខែធ្នូនេះ (នៅអាមេរិក) និងល្ងាចថ្ងៃអង្គារ ទី២២ ខែធ្នូ (នៅកម្ពុជា) ភពព្រហស្បតិ៍ និងភពសៅរ៍ នឹងរំកិលខិតជិតគ្នាបំផុត បន្ទាប់ពីអាក់ខានចាប់តាំងពីឆ្នាំ ១៦២៣ ។

ជារឿយៗវាត្រូវបានគេហៅថាជាបាតុភូត “Great Conjunction” ឬ “បាតុភូតស្ទើរត្រួតស៊ីគ្នា” រវាងភពព្រហស្បតិ៍ និងភពសៅរ៍ ហើយក៏ជាបាតុភូតមហាកម្រផងដែរ ។

បន្ទាប់មកយើងនឹងឃើញពន្លឺផ្កាយពីរដោយមួយធំ និងមួយទៀតរាងតូច (ធំគឺភពព្រហស្បតិ៍ និងតូចគឺភពសៅរ៍) នៅកៀកគ្នាខ្លាំងនៅលើមេឃ ។

ក្នុងចន្លោះថ្ងៃទាំងពីរនេះ (ថ្ងៃចន្ទ និងថ្ងៃអង្គារ) គឺថ្ងៃណាក៏យើងអាចទស្សនាបាតុភូត Great Conjunction បានដូចគ្នា ។

ទន្ទឹមនោះបាតុភូតនេះពិតជាមហាកម្រមួយដែលមិនធ្លាប់កើតឡើងសោះរយ:ពេលជិត ៤០០ ឆ្នាំ ព្រោះបើយើងខកខានពេលនេះគឺយើងមិនមានថ្ងៃអាចទស្សនាវាម្តងទៀតបានឡើយ ហើយអ្នកជំនាន់ក្រោយនៅលើផែនដីនឹងត្រូវរង់ចាំរហូតដល់ឆ្នាំ ២៤០០ ទើបវាអាចកើតឡើងម្តងទៀត .

ស្របពេលជាមួយគ្នានេះយើងអាចទស្សនាបាតុភូត Great Conjunction បាននៅម៉ោង ៥ និង ៣០នាទីល្ងាច ដល់ម៉ោង ៧ និង ៣០នាទីយប់ នៅទិសនិរតី ហើយអាចទស្សនាវាបាន អំឡុងមេឃស្រឡះ គ្មានពពក ឬអ័ព្ទក្រាស ៕

ប្រែសម្រួលដោយ ៖ ជីវ័ន្ត

ប្រភព ៖ KATC

ចុចអាន ៖ អង់គ្លេសរកឃើញសញ្ញាណជំងឺកូវីដប្រភេទថ្មីដែលអាចចម្លងកាន់តែលឿន

ចុចអាន ៖ គ្រូពេទ្យអាមេរិកដួលសន្លប់ឈឹងក្រោយចាក់វ៉ាក់សាំងកូវីដ (មានវីដេអូ)