ព័ត៌មានអន្ដរជាតិ

ពូទីន ចំអកឲ្យលោកខាងលិច (មានវីដេអូ)

បានផុស

៣ years មុន

នៅ

ថ្ងៃសុក្រ ១០ មិថុនា ២០២២

ដោយ

ថ្លែងអំពីការដាក់ទណ្ឌកម្មរបស់លោកខាងលិច សំដៅលើសេដ្ឋកិច្ចរបស់រុស្ស៊ី លោកប្រធានាធិបតី វ្ល៉ាឌីមៀរ ពូទីន បានចំអកថា វាមិនអាចទៅរួចទេ ក្នុងការទុកឲ្យប្រទេសធំបែបនេះ នៅឯកោនោះ។

លោកលើកឡើងថា “សម្រាប់ប្រទេសមួយដូចជារុស្ស៊ី វាមិនអាចទៅរួចឡើយ ដែលត្រូវហ៊ុមព័ទ្ធដោយរបងពីខាងក្រៅ ហើយយើងខ្លួនឯងក៏នឹងមិនធ្វើរបងបែបនេះ នៅជុំវិញប្រទេសរបស់យើងដែរ”។

ប្រធានាធិបតីរុស្ស៊ីក៏បានពន្យល់ដែរថា ប្រទេសនេះ នឹងមិនដែលមានសេដ្ឋកិច្ចបិទជិតនោះទេ។ ទីក្រុងមូស្គូ មិនមានបំណងដាក់ “វាំងននដែក” បែបសូវៀត នៅជុំវិញខ្លួនឡើយ ផ្ទុយទៅវិញចង់រក្សាការបើកចំហរសម្រាប់ប្រទេសណា ដែលចង់ធ្វើអាជីវកម្មជាមួយខ្លួន។ អ្នកណាដែលជ្រើសរើសមិនធ្វើពាណិជ្ជកម្មជាមួយរុស្ស៊ី នឹងបានត្រឹមតែប្លន់ខ្លួនឯងប៉ុណ្ណោះ។

ស្របពេលជាមួយគ្នានោះ លោក ពូទីន ក៏បាននិយាយផងដែរ ពាក់ព័ន្ធនឹងការអះអាងដែលថា លោកជាអ្នកទទួលខុសត្រូវដោយផ្ទាល់ ចំពោះការធ្វើឲ្យអតិផរណាកើនឡើងយ៉ាងគំហុកនៅក្នុងបណ្តាប្រទេសលោកខាងលិច។ លោកថា លោកមិនមានជាប់ពាក់ព័ន្ធជាមួយនឹងការលំបាកផ្នែកសេដ្ឋកិច្ច ដែលប្រទេសផ្សេងទៀតប្រឈមមុខនោះទេ។

តាមការកត់សម្គាល់របស់លោក, “នេះគឺជាលទ្ធផលនៃកំហុសរបស់ប្រទេសលោកខាងលិចដែលបានសាងជាយូរមកហើយ”។

ខណៈមន្ត្រីអាមេរិកតែងតែហៅអតិផរណាខ្ពស់ក្នុងកម្រិតបំបែកកំណត់ត្រានៅប្រទេសរបស់ពួកគេថាជា “ការដំឡើងតម្លៃរបស់លោកពូទីន” នោះ ប្រធានាធិបតីរុស្ស៊ីរូបនេះបានលែបខាយថា “ពួកគេបានហៅអតិផរណា ដោយប្រើឈ្មោះរបស់ខ្ញុំរួចទៅហើយ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ ទាហានអ៊ុយក្រែន មួយថ្ងៃស្លាប់ដល់ទៅ ២០០នាក់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត