ព័ត៌មានអន្ដរជាតិ

ក្រោយវេតូលើកូរ៉េខាងជើង ចិនប្រាប់ថា ចាំមើលទណ្ឌកម្ម UN ជុំវិញការធ្វើតេស្តនុយក្លេអ៊ែរ

បានផុស

៣ years មុន

នៅ

ថ្ងៃសុក្រ ១០ មិថុនា ២០២២

ដោយ

រដ្ឋាភិបាលទីក្រុងប៉េកាំងមិនចង់ឃើញកូរ៉េខាងជើងបាញ់សាកល្បងនុយក្លេអ៊ែរថ្មីទៀតទេ ដែលបានក្លាយជាផ្នែកមួយជំរុញឲ្យចិនបានធ្វើវេតូគឺមិនគាំទ្រ ឬប្រឆាំងនឹងការដាក់ទណ្ឌកម្មថ្មីរបស់អង្គការសហប្រជាជាតិលើរដ្ឋាភិបាលទីក្រុងព្យុងយ៉ាងពីការបាញ់សាកល្បងមីស៊ីលបាលីស្ទិកកាលពីជាងពីរសប្តាហ៍មុន។

ប៉ុន្តែឯកអគ្គរដ្ឋទូតចិនប្រចាំអង្គការសហប្រជាជាតិកាលពីថ្ងៃព្រហស្បតិ៍ ទី៩ ខែមិថុនា លោក Zhang Jun បានព្រមានពីរបៀបដែលរដ្ឋាភិបាលទីក្រុងប៉េកាំងអាចនឹងមានប្រតិកម្មនៅអង្គការសហប្រជាជាតិ ប្រសិនបើកូរ៉េខាងជើងបន្តការបាញ់សាកល្បងមីស៊ីលបាលីស្ទិកទៀតគិតចាប់តាំងពីឆ្នាំ២០១៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលទីក្រុងវ៉ាស៊ីនតោនបានព្រមានថា ការបាញ់សាកល្បងនុយក្លេអ៊ែរបែបនេះរបស់កូរ៉េខាងជើងអាចនឹងកើតមាននៅពេលណាមួយ ហើយវាអាចនឹងជំរុញឲ្យអង្គការសហប្រជាជាតិដាក់ទណ្ឌកម្មបន្ថែមទៀត។

លោក Zhang បាននិយាយបន្ទាប់ពីចិន និងរុស្ស៊ីបានធ្វើវេតូនឹងទណ្ឌកម្មបន្ថែមរបស់ក្រុមប្រឹក្សាសន្តិសុខអង្គការសហប្រជាជាតិលើកូរ៉េខាងជើងកាលពីពីរសប្តាហ៍មុនថា ៖«រង់ចាំមើល តើអ្វីនឹងកើតឡើង តែខ្ញុំគិតថា យើងមិនគួរគិតទុកជាមុននូវអ្វីដែលនឹងកើតឡើងជុំវិញការធ្វើតេស្តនុយក្លេអ៊ែរទេ»។

«ការរំសាយអាវុធនុយក្លេអ៊ែរគឺជាគោលដៅសំខាន់មួយរបស់ប្រទេសចិន។ យើងមិនចង់ឃើញការបាញ់សាកល្បងទៀតទេ»។ Zhang បានបញ្ជាក់បន្ថែម៕

ប្រែសម្រួល៖ វីរបុត្រ
ប្រភព៖ Reuters