ព័ត៌មានអន្ដរជាតិ

អាមេរិកទទួលស្គាល់ចំណូលថាមពលរុស្ស៊ីកើនឡើង ក្រោយរងទណ្ឌកម្ម

បានផុស

៣ years មុន

នៅ

ថ្ងៃសុក្រ ១០ មិថុនា ២០២២

ដោយ

សហរដ្ឋអាមេរិកបានទទួលស្គាល់ប្រាក់ចំណូលពីថាមពលរបស់ប្រទេសរុស្ស៊ីបានកើនឡើងច្រើនជាងមុនពេលទទួលរងទណ្ឌកម្មពីប្រទេសលោកខាងលិច ដោយសារការវាយប្រហារលើប្រទេសអ៊ុយក្រែន។

លោក Amos Hochstein ទីប្រឹក្សាអាមេរិកជាន់ខ្ពស់សម្រាប់សន្តិសុខថាមពលសកលបានប្រាប់អ្នកដាក់ទណ្ឌកម្មកាលពីថ្ងៃព្រហស្បតិ៍ថា តម្លៃថាមពលជាសកលបានកើនឡើងរួចហើយ និងកាន់តែកើនឡើងខ្លាំងថែមទៀត បន្ទាប់ពីប្រទេសលោកខាងលិចដាក់ទណ្ឌកម្មលើរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលសួរថាតើ រដ្ឋាភិបាលទីក្រុងមូស្គូកំពុងទទួលបានប្រាក់ចំណូលពីការធ្វើពាណិជ្ជកម្មប្រេង និងឧស្ម័នច្រើនជាងពេល៧ខែមុនទេ? លោក Hochstein បានឆ្លើយថា ៖«រឿងនេះ ខ្ញុំមិនអាចបដិសេធបានទេ»។ មន្ត្រីរូបនេះបានកំពុងនិយាយទៅកាន់គណៈកម្មាធិការព្រឹទ្ធសភាស្តីពីកិច្ចសហប្រតិបត្តិការអឺរ៉ុប និងសន្តិសុខតំបន់។

អាមេរិកបានដាក់បំរាមតឹងរ៉ឹលើការនាំចូលទាំងអស់អំពីប្រេងឆៅរុស្ស៊ី ផលិតផលប្រេងមួយចំនួន ឧស្ម័នធម្មជាតិរាវ និងធ្យូងថ្ម តាំងពីដើមខែមីនាមកម្ល៉េះ ដែលជាផ្នែកមួយនៃទណ្ឌកម្មបណ្តាលមកពីសកម្មភាពយោធារបស់រុស្ស៊ីនៅអ៊ុយក្រែន។

បើទោះជាទទួលរងទណ្ឌកម្មយ៉ាងណា សមាជិកសភារដ្ឋ Dama របស់រុស្ស៊ី លោក Vyacheslav Volodin បាននិយាយថា ការបញ្ជូនប្រេងពីរុស្ស៊ីទៅអាមេរិកបានកើនឡើងស្ទើរពីរដងក្នុងខែមីនា បើប្រៀបធៀបនឹងខែកុម្ភៈ៕

ប្រែសម្រួល៖ វីរបុត្រ
ប្រភព៖ RT

Related Topics: