ទីក្រុង Mariupol កំពុងប្រឈមហានិភ័យ ផ្ទុះជំងឺអាសន្នរោគ ទ្រង់ទ្រាយធំ

ក្រសួងការពារជាតិចក្រភពអង់គ្លេសបាននិយាយថា ទីក្រុង Mariupol របស់អ៊ុយក្រែន កំពុងប្រឈមនឹងហានិភ័យ នៃការផ្ទុះជំងឺអាសន្នរោគដ៏ធំមួយ ខណៈរុស្ស៊ី ព្យាយាមផ្តល់សេវាសាធារណៈជាមូលដ្ឋាន ដល់ប្រជាជននៃតំបន់ដែលខ្លួនបានកាន់កាប់ក្នុងប្រទេស អ៊ុយក្រែន។

យោងតាមក្រសួង, “អ៊ុយក្រែន បានរងគ្រោះដោយការរីករាលដាលនៃជំងឺអាសន្នរោគដ៏ធំកាលពីឆ្នាំ១៩៩៥ ហើយបានជួបប្រទះការផ្ទុះឡើងតិចតួចចាប់តាំងពីពេលនោះមក ជាពិសេសនៅជុំវិញឆ្នេរសមុទ្រ Azov ដែលរួមមានទីក្រុង Mariupol ផងដែរ”។

ក្រសួងបានបន្ថែមថា “សេវាវេជ្ជសាស្រ្តនៅទីក្រុង Mariupol ទំនងជាជិតដួលរលំហើយ។ ការផ្ទុះជំងឺអាសន្នរោគដ៏ធំនៅក្នុងទីក្រុង Mariupol នឹងកាន់តែធ្ងន់ធ្ងរទៅៗ”។

ក្រសួងក៏បាននិយាយដែរថា តំបន់ Kherson ដែលរុស្ស៊ីកាន់កាប់ កំពុងជួបប្រទះនឹងកង្វះថ្នាំពេទ្យ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ពូទីន ចំអកឲ្យលោកខាងលិច