លោក បៃដិន ឲ្យប្រទេសផលិតប្រេងមួយនេះបង្កើនទិន្នផល សម្រួលការ កើនឡើងតម្លៃ (មានវីដេអូ)

ប្រធានាធិបតីអាមេរិកលោក ចូ បៃដិន ជំរុញឲ្យអារ៉ាប៊ីសាអូឌីតដែលជាប្រទេសផលិតប្រេងឆៅឈានមុខគេមួយរបស់ពិភពលោក បង្កើនទិន្នផលរបស់ខ្លួនដើម្បីជួយសម្រួលដល់ការកើនឡើងតម្លៃប្រេងឆៅពិភពលោក ។

ការជំរុញឲ្យបង្កើនការផលិតប្រេងនេះកើតឡើង ស្របពេលដែលប្រធានាធិបតីរូបនេះគ្រោងនឹងធ្វើដំណើរទៅកាន់ប្រទេសអារ៉ាប៊ីសាអូឌីត និងអ៊ីស្រាអែលនៅខែក្រោយ ពោលនៅថ្ងៃទី ១៣ ដល់ថ្ងៃទី ១៦ ខែកក្កដា ។

កន្លងមកសហរដ្ឋអាមេរិកបានស្ដីបន្ទោសការឡើងថ្លៃប្រេងនៅក្នុងប្រទេស និងនៅលើពិភពលោក ដោយសារតែសង្គ្រាមលុកលុយ​របស់​រុស្ស៊ី​មក​លើ​អ៊ុយក្រែន ក៏ដូចជា​កត្តា​ផ្សេង​ទៀតជាដើម ។

គួរបញ្ជាក់ថា ទំនាក់ទំនងរវាងអាមេរិក និងអារ៉ាប៊ីសាអូឌីតបានចុះត្រជាក់ ចាប់តាំងពីរដ្ឋបាលលោក បៃដិន កាលពីឆ្នាំមុនបានបញ្ចេញរបាយការណ៍មួយដែលនិយាយថា រាជទាយាទអារ៉ាប៊ីសាអូឌីតគឺព្រះអង្គម្ចាស់ Mohammed bin Salman បានយល់ព្រមលើផែនការសម្លាប់អ្នកកាសែតអារ៉ាប៊ីសាអូឌីតនៅប្រទេសតួកគីកាលពីឆ្នាំ ២០១៨ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក បង្ហាញខ្ទង់ចំណាយក្នុងមួយខែៗលើរដ្ឋាភិបាល អ៊ុយក្រែន