ព័ត៌មានអន្ដរជាតិ

កូរ៉េខាងជើងរាយការណ៍ផ្ទុះជំងឺឆ្លងថ្មីចំពេលកំពុងប្រយុទ្ធនឹងកូវីដ

បានផុស

៣ years មុន

នៅ

ថ្ងៃព្រហស្បតិ៍ ១៦ មិថុនា ២០២២

ដោយ

ប្រទេសកូរ៉េខាងជើងបានរាយការណ៍ពីការផ្ទុះជំងឺឆ្លងរាតត្បាតថ្មីពាក់ព័ន្ធនឹងពោះវៀនដែលមិនស្គាល់អត្តសញ្ញាណនៅថ្ងៃព្រហស្បតិ៍ ទី១៦ ខែមិថុនា បន្ថែមលើជំងឺកូវីដ-១៩ដែលប្រទេសនេះកំពុងប្រយុទ្ធប្រឆាំង។

យោងតាមទីភ្នាក់ងារសារព័ត៌មានរដ្ឋកូរ៉េខាងជើង KCNA បានផ្សាយថា មេដឹកនាំកូរ៉េខាងជើង លោក គីម ជុងអ៊ុន បានបញ្ជូនបរិក្ខាពេទ្យ និងឱសថទៅកាន់ទីក្រុងកំពង់ផែ Haeju ភាគខាងលិចប្រទេសកាលពីថ្ងៃពុធដើម្បីព្យាបាលអ្នកជំងឺដែលឈឺចាប់ពីជំងឺឆ្លងរាតត្បាតស្រួចស្រាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាមិនមានសេចក្តីរាយការណ៍ថាតើអ្នកឆ្លងជំងឺនេះមានប៉ុន្មាននាក់ ឬបញ្ជាក់អំពិតពីប្រភេទជំងឺឡើយ ប៉ុន្តែសំដៅទៅលើពោះវៀន។

KCNA បានផ្សាយថា ៖«លោក គីម បានយកចិត្តទុកដាក់ខ្លាំងពីតម្រូវការដើម្បីទប់ស្កាត់ជំងឺរាតត្បាតឲ្យបានលឿនបំផុតជាមួយនឹងវិធានការត្រឹមត្រូវដើម្បីធានាបានថា ករណីជំងឺឆ្លងសង្ស័យត្រូវបានទប់ស្កាត់ បញ្ជាក់ពីករណីតាមការធ្វើពិសោធ និងតេស្តត្រឹមត្រូវ»។

សេចក្តីរាយការណ៍ពីការផ្ទុះជំងឺថ្មីបានកើតមានឡើង ស្របពេលកូរ៉េខាងជើងបានកំពុងប្រយុទ្ធនឹងជំងឺកូវីដ-១៩ដែលបង្ខំឲ្យប្រកាសដាក់ប្រទេសក្នុងគ្រាអាសន្នកាលពីខែមុនចំពេលមានការព្រួយបារម្ភពីកង្វះវ៉ាក់សាំង និងបរិក្ខាពេទ្យ៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសកូរ៉េខាងជើង