ព័ត៌មានអន្ដរជាតិ

អាមេរិក ព្រមាន ចិន ថា កំពុងប្រថុយនឹងការចូលខាងខុស ជាប្រវត្តិសាស្ត្រ

បានផុស

៣ years មុន

នៅ

ថ្ងៃព្រហស្បតិ៍ ១៦ មិថុនា ២០២២

ដោយ

ចាប់តាំងពីរុស្ស៊ី វាយលុកអ៊ុយក្រែនមក ប្រទេសចិន បានព្យាយាមរក្សាអព្យាក្រឹតភាពលើជម្លោះ ដោយអំពាវនាវឲ្យមានដំណោះស្រាយដោយសន្តិវិធី។

ហើយនៅក្នុងការហៅទូរស័ព្ទនៅថ្ងៃព្រហស្បតិ៍ទី១៦ខែមិថុនានេះ ប្រធានាធិបតីចិនលោក ស៊ី ជីនពីង បានធានាដល់ប្រធានាធិបតីរុស្ស៊ីលោក ពូទីន អំពីការគាំទ្ររបស់ទីក្រុងប៉េកាំងចំពោះ “អធិបតេយ្យភាព និងសន្តិសុខ” របស់ទីក្រុងមូស្គូ។

ប៉ុន្តែ អាមេរិកបានសម្តែងការព្រួយបារម្ភ ដោយព្រមានថា ប្រទេសណាដែលចូលខាងជាមួយលោក ពូទីន ជុំវិញការវាយលុកអ៊ុយក្រែន នឹងក្លាយជា ការចូលខាងខុសជាប្រវត្តិសាស្ត្រ។

AFP បានដកស្រង់សម្តីអ្នកនាំពាក្យក្រសួងការបរទេសសហរដ្ឋអាមេរិក ដែលបាននិយាយថា “ប្រទេសចិន អះអាងថាមានអព្យាក្រឹត ប៉ុន្តែអាកប្បកិរិយារបស់ខ្លួនបញ្ជាក់យ៉ាងច្បាស់ថា ខ្លួននៅតែវិនិយោគក្នុងទំនាក់ទំនងជិតស្និទ្ធជាមួយរុស្ស៊ី”។

គួរបញ្ជាក់ថា ពាណិជ្ជកម្មទ្វេភាគីរបស់ចិនជាមួយរុស្ស៊ី បានកើនឡើងក្នុងត្រីមាសទីមួយនៃឆ្នាំនេះ ពោលគឺកើនឡើង ២៨% បើធៀបនឹងឆ្នាំមុន។ នេះបើយោងតាមទិន្នន័យគយរបស់ប្រទេសចិន៕

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី ថា លោកខាងលិច កំពុងបាញ់បំបែកក្បាលខ្លួនឯង ផ្ទុយស្រឡះពី ចិន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត