ព័ត៌មានអន្ដរជាតិ

កំពង់ផែប្រទេស អឺរ៉ុប មួយនេះក្លាយជាទីតាំងដឹកជញ្ជូនគ្រាប់ធញ្ញជាតិរបស់ អ៊ុយក្រែន

បានផុស

៣ years មុន

នៅ

ថ្ងៃព្រហស្បតិ៍ ១៦ មិថុនា ២០២២

ដោយ

កំពង់ផែសមុទ្រខ្មៅរ៉ូម៉ានីក្នុងទីក្រុង Constanta បានក្លាយជាមជ្ឈមណ្ឌលដឹកជញ្ជូនដ៏សំខាន់មួយសម្រាប់ការនាំចេញគ្រាប់ធញ្ញជាតិប្រមាណ ២០ លានតោនដែលកំពុងជាប់គាំងនៅអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dan Dolghin នាយកប្រតិបត្តិការគ្រាប់ធញ្ញជាតិដ៏នៅក្នុងកំពង់ផែ Constanta បាននិយាយថា “មុនសង្រ្គាម គ្មានគ្រាប់ធញ្ញជាតិអ៊ុយក្រែនឆ្លងកាត់កំពង់ផែនេះនោះទេ ប៉ុន្តែឥឡូវនេះគ្រាប់ធញ្ញជាតិស្មើនឹងប្រហែល ៣០ ភាគរយនៃសកម្មភាពចរាចរណ៍របស់យើង” ។

ជាមួយនឹងសមត្ថភាពផ្ទុកគ្រាប់ធញ្ញជាតិ ១.៥ លានតោន និងជាស្ថានីយគ្រប់គ្រងគ្រាប់ធញ្ញជាតិលឿនបំផុតនៅក្នុងសហភាពអឺរ៉ុប, កំពង់ផែ Constanta បានក្លាយជាជម្រើសល្អមួយក្នុងពេលបិទផ្លូវសមុទ្រនៃកំពង់ផែសមុទ្រខ្មៅអ៊ុយក្រែនដែលធ្លាប់ជាច្រកនាំចេញដ៏សំខាន់ ។

គួរបញ្ជាក់ថា ចាប់តាំងពីការរាំងស្ទះ គ្រាប់ធញ្ញជាតិអ៊ុយក្រែនចំនួន ៦១៦,០០០ តោនបានទៅដល់កំពង់ផែ ខណៈ ១៦៦,៥០០ តោនបន្ថែមទៀតនឹងមកដល់កំពង់ផែនៅសប្តាហ៍បន្ទាប់ ហើយក៏នឹងបង្កើនសមត្ថភាពដឹកជញ្ជូនទំនិញដល់ទៅប្រហែល ២៨,០០០ តោនក្នុងមួយថ្ងៃសម្រាប់កំពង់ផែមួយនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ប្រទេស ២ ព្រមព្រៀងផ្គត់ផ្គង់ឧស្ម័នទៅ អឺរ៉ុប ជំនួសការនាំចូលពី រុស្ស៊ី