ពូទីន ថ្កោលទោសទណ្ឌកម្មលោកខាងលិច ថាជា “រឿងឆ្កួត និងគ្មានការពិចារណា”

លោកប្រធានាធិបតី វ្ល៉ាឌីមៀរ ពូទីន បាននិយាយថា ទណ្ឌកម្មដែលដាក់ដោយលោកខាងលិច លើប្រទេសរុស្ស៊ី បន្ទាប់ពីការលុកលុយអ៊ុយក្រែន គឺជារឿងឆ្កួត និងគ្មានការពិចារណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងវេទិកាសេដ្ឋកិច្ចអន្តរជាតិប្រចាំឆ្នាំនៅទីក្រុង St Petersburg លោកបាននិយាយថា “វិបត្តិសេដ្ឋកិច្ចប្រឆាំងនឹងរុស្ស៊ី មិនមានឱកាសជោគជ័យឡើយតាំងពីដំបូងមកម្ល៉េះ។ ​ការ​រឹត​បន្តឹង​នេះ ​មានគ្រោះថ្នាក់ខ្លាំង ​ចំពោះ​អ្នក​ដែល​ដាក់ទៅវិញទេ”។

ប្រទេសលោកខាងលិច បាននិងកំពុងស្វែងរកការធ្វើឲ្យមានតុល្យភាពរវាងការដាក់ទណ្ឌកម្មលើប្រទេសរុស្ស៊ី និងការការពារសេដ្ឋកិច្ចរបស់ពួកគេ។

ប៉ុន្តែ លោកប្រធានាធិបតីពូទីន បានអះអាងថា សហភាពអឺរ៉ុប អាចខាតបង់ប្រាក់ច្រើនជាង ៤០០ ពាន់លានដុល្លារ (៣២៦ ពាន់លានផោន) ដោយសារតែការដាក់ទណ្ឌកម្មរបស់ខ្លួនប្រឆាំងនឹងរុស្ស៊ី។

អតិផរណាកំពុងកើនឡើងនៅទូទាំងប្លុកដែលមានសមាជិក ២៧មួយនេះ ហើយផលប្រយោជន៍ពិតប្រាកដរបស់ប្រជាជននៅអឺរ៉ុបកំពុងត្រូវបានដកចេញ។

ទោះបីជាយ៉ាងណាក៏ដោយ មន្ត្រីផ្ទាល់របស់លោកពូទីនបានព្រមានថា សេដ្ឋកិច្ចរុស្ស៊ីកំពុងរងការខូចខាតយ៉ាងធ្ងន់ធ្ងរពីទណ្ឌកម្មនេះ។

ទេសាភិបាលធនាគារកណ្តាល លោកស្រី Elvira Nabiullina បាននិយាយកាលពីថ្ងៃព្រហស្បតិ៍ទី១៦ខែមិថុនាថា “១៥% នៃផលិតផលក្នុងស្រុកសរុបរបស់ប្រទេស ត្រូវបានគំរាមកំហែងដោយការឆ្លើយតបជាអន្តរជាតិ”៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ុយក្រែន អះអាងបាញ់កម្ទេច នាវារុស្ស៊ីដែល ដឹកអាវុធនៅ សមុទ្រខ្មៅ