ព័ត៌មានអន្ដរជាតិ
ភ្ញាក់ផ្អើលមិនខាន ពេលដឹងចំណូលអ្នកសុំទាន នៅទីក្រុងឡុងដ៍
អ្នកសុំទាននៅកណ្តាលទីក្រុងឡុងដ៍ អាចរកប្រាក់បានរហូតដល់ ៤២ ៧៨៩ដុល្លារ ក្នុងមួយឆ្នាំ។ នេះបើតាមការអះអាងពី YouTuber ដ៏ល្បីមួយរូប បន្ទាប់ពីចំណាយពេលមួយថ្ងៃ នៅជាមួយអ្នកសុំទានក្នុងរាជធានីរបស់ប្រទេស អង់គ្លេស។

Tọ́ba Courage ដែលមានអ្នក Subscribe ៨៥៤ ០០០នាក់នៅលើ ឆានែល YouTube The Hack របស់គាត់ បានបង្កើតវីដេអូក្នុងឆ្នាំ២០១៦ ប៉ុន្តែវីដេអូ បានផ្ទុះម្តងទៀតនៅលើ TikTok ក្នុងសប្តាហ៍នេះ។
តារាប្រព័ន្ធផ្សព្វផ្សាយសង្គមដែលមានជំនាញខាងផលិតវីដេអូ បានរៀបរាប់អំពីរបៀបរស់នៅដោយសេរី ឬអ្នកមានថវិកាតិចតួចនៅកន្លែងផ្សេងៗក្នុងពិភពលោក ដូចជាការរស់រានមាននៅទីក្រុងឡុងដ៍ ឬការស្វែងរកអាហារនៅទីក្រុង អាំស្ទើដាំ ផងដែរ។

អ្នកសុំទានម្នាក់ដែល Courage និយាយជាមួយ បានអះអាងថា ថ្ងៃខ្លះ គាត់រកប្រាក់បានចំនួន ៦១១២ដុល្លារពេលចេញសុំមួយលើក ខណៈស្រ្តីម្នាក់ទៀតនិយាយថា នាងអាចសុំបានលុយ ៩៧ដុល្លារ ពីមនុស្សម្នាក់។ Courage បានគណនាថា អ្នកដែលគាត់កំពុងនិយាយជាមួយ គឺរកបានរហូតជាមធ្យមដល់ទៅ ១៨៣ ដុល្លារក្នុងមួយថ្ងៃ ហើយគាត់បានគណនាថា ពួកគេអាចរកបាន ៤២ ៧៨៩ដុល្លារ ក្នុងមួយឆ្នាំ ដោយផ្អែកលើការសុំទានប្រាំថ្ងៃក្នុងមួយសប្តាហ៍សម្រាប់រយៈពេល ១១ខែ។

ស្ត្រីម្នាក់ទៀតបានអះអាងថា ខ្លួនរកបានប្រាក់រាប់រយផោន ដូច្នេះនាងអាចមានលទ្ធភាពដេកបាន។ បន្ទាប់ពីនិយាយគ្នារួច YouTuber រូបនេះ ក៏បានចំណាយពេលពីរបីម៉ោងដើម្បីសុំទានដែរ ហើយអះអាងថា គាត់រកបានជិត៨៥ដុល្លារ។

អង្គការ Homelessness Charity Crisis បានប៉ាន់ប្រមាណថា មនុស្សប្រហែល ២២៧ ០០០នាក់កំពុងជួបប្រទះទម្រង់ដ៏អាក្រក់បំផុតនៃភាពគ្មានផ្ទះសម្បែងនៅទូទាំងប្រទេសអង់គ្លេស ស្កុតឡែន និងវែលស៍ក្នុងឆ្នាំ ២០២១។ យោងតាមអង្គការនេះ អ្នកសុំទាន ៨០ ភាគរយ ជាអ្នកគ្មានផ្ទះសម្បែង៕
ប្រែសម្រួល៖ សន្យា
ប្រភព៖ Daily Mail

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?