ព័ត៌មានអន្ដរជាតិ

លោក Zelensky ចុះដល់ទីតាំងកងទ័ពជួរមុខនៅភាគខាងត្បូង អ៊ុយក្រែន

បានផុស

៣ years មុន

នៅ

ថ្ងៃអាទិត្យ ១៩ មិថុនា ២០២២

ដោយ

ប្រធានាធិបតីអ៊ុយក្រែន លោក Volodymyr Zelensky បានទៅសួរសុខទុក្ខទាហានជួរមុខនៅក្នុងតំបន់ Mykolaiv នៃភាគខាងត្បូង ខណៈការវាយប្រហាររបស់រុស្ស៊ីនៅភាគខាងកើត កាន់តែខ្លាំងឡើងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការិយាល័យ ប្រធានាធិបតីអ៊ុយក្រែនបានបង្ហោះវីដេអូនៃដំណើរទស្សនកិច្ចរបស់លោកកាលពីថ្ងៃសៅរ៍ ដោយបង្ហាញពីលោក Zelensky កំពុងត្រួតពិនិត្យអគាររដ្ឋបាលក្នុងតំបន់ ដែលត្រូវបានបំផ្លាញដោយកងកម្លាំងរុស្ស៊ី។ លោកក៏បានទៅពិនិត្យមន្ទីរពេទ្យ និងចែកមេដាយ ជូនប្រជាពលរដ្ឋនៅទីនោះដូចគ្នា។

ដោយឡែក កងកម្លាំងរុស្ស៊ីឯណោះវិញ កំពុងតែបង្កើនការវាយលុកក្នុងគោលបំណងដើម្បីគ្រប់គ្រងទាំងស្រុងនូវតំបន់ភាគខាងកើតនៃទីក្រុង Luhansk ។ ពួកគេបានខិតខំឡោមព័ទ្ធទីក្រុងសំខាន់នៃ Severodonetsk នៅភាគខាងកើតអ៊ុយក្រែន។ ជនស៊ីវិល និងទាហានអ៊ុយក្រែននៅតែជាប់គាំង នៅក្នុងរោងចក្រគីមី Azot ក្នុងទីក្រុងដដែល។

ក្រសួងការពារជាតិរុស្ស៊ីក៏បានប្រកាសកាលពីថ្ងៃសៅរ៍ថា កងកម្លាំងរបស់ខ្លួន បានបំផ្លាញកន្លែងចម្រាញ់ប្រេង និងកន្លែងប្រេងឥន្ធនៈ ខណៈដែលពួកគេបានទម្លាក់គ្រាប់បែកលើទីក្រុង Lysychansk ដែលជាទីក្រុងជិតខាង Severodonetsk ៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖អ៊ុយក្រែន កំពុងការពារបានយ៉ាងរឹងមាំពីការវាយលុករបស់ រុស្ស៊ី