រុស្ស៊ី ថា EU ចង់ឲ្យ អ៊ុយក្រែន ចូលជាសមាជិកព្រោះ ទីក្រុងវ៉ាស៊ីនតោន និង ព្រុចសែល​ ចង់ឲ្យមានអរិភាព ជាបន្ត

ប្រធានសភារុស្ស៊ីបាននិយាយថា អ៊ុយក្រែន មិនមែនជាបេក្ខភាពដ៏ស័ក្តិសមសម្រាប់ សមាជិកភាពសហភាពអឺរ៉ុប (EU)​ នោះទេ។

លោក Viacheslav Volodin បានសរសេរនៅលើ Telegram ថា “អំពើពុករលួយ ឧក្រិដ្ឋកម្មដ៏ច្រើនសន្ធឹកសន្ធាប់ អំណាចផ្តាច់ការ និងសេដ្ឋកិច្ចអន្តរាយ គឺជាលក្ខណៈរបស់អ៊ុយក្រែនសម័យទំនើប។ អឺរ៉ុបក៏យល់ពីរឿងនេះផងដែរ ប៉ុន្តែបំណងប្រាថ្នារបស់ពួកគេ គឺគ្រាន់តែចង់ធ្វើឲ្យរុស្ស៊ីចុះខ្សោយប៉ុណ្ណោះ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Volodin បន្តថា សហភាពដែលមាន ២៧ ប្រទេសមួយនេះ បានត្រៀមខ្លួនរួចជាស្រេចដើម្បីផ្តល់ឋានៈជាបេក្ខជនអ៊ុយក្រែន ពីព្រោះទីក្រុងវ៉ាស៊ីនតោន និងទីក្រុងព្រុចសែល​ ចង់ឲ្យមានអរិភាព ជាបន្ត។

លោកអះអាងថា “លទ្ធផលសម្រាប់អ៊ុយក្រែននឹងសោកសៅ។ មជ្ឈមណ្ឌល​ធ្វើ​សេចក្តី​សម្រេច​ចិត្ត​ នឹង​ត្រូវ​ផ្ទេរ​ជា​ផ្លូវ​ការ​ទៅកាន់ទី​ក្រុងព្រុចសែល។ ទីបំផុត អ៊ុយក្រែន ​នឹង​បាត់បង់​ឯករាជភាព​របស់​ខ្លួន”៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ រុស្ស៊ី ក្លាយជា ប្រទេស ផ្គត់ផ្គង់ ប្រេង ធំជាងគេ របស់ ចិន