លោក បៃដិន ឆ្លើយយ៉ាងខ្លីរឿងទៅ ឬមិនទៅ អ៊ុយក្រែន ពេលទស្សនកិច្ចនៅ អឺរ៉ុប

ប្រធានាធិបតីសហរដ្ឋអាមេរិកលោក ចូ បៃដិន បាននិយាយកាលពីថ្ងៃចន្ទថា លោកនឹងមិនធ្វើដំណើរទៅអ៊ុយក្រែននោះទេ ក្នុងអំឡុងពេលទស្សនកិច្ចទៅកាន់ទ្វីបអឺរ៉ុបនាពេលខាងមុខនេះ ដោយសារតែលោកតែងតែពិភាក្សាជាមួយប្រធានាធិបតី Volodymyr Zelensky ៣ ទៅ ៤ ដងឯណោះក្នុងមួយសប្តាហ៍ ។

​នៅពេលត្រូវបាន​សួរដោយអ្នកសារព័ត៌មានថាតើ​លោក​នឹង​ទៅ​បំពេញ​ទស្សនកិច្ច​នៅ​អ៊ុយក្រែន ​ក្នុង​អំឡុង​ពេលធ្វើ​ដំណើរ​ទៅ​អឺរ៉ុប​នាពេល​ខាង​មុខ​នេះទេ លោក បៃដិន បានឆ្លើយយ៉ាងខ្លីថា “វាមិនមែន​ក្នុង​ដំណើរ​នេះនោះ​ទេ​” ។

លោកបាននិយាយថា “ដំណើរទស្សនកិច្ចទៅទីក្រុងកៀវគឺអាស្រ័យលើថាតើ វាបង្កការលំបាកបន្ថែមទៀតសម្រាប់ប្រជាជនអ៊ុយក្រែនឬអត់ និងថាតើវាធ្វើឲ្យរំខានអ្វីដែលកំពុងកើតឡើងឬអត់?” ។

គួរបញ្ជាក់ថា លោក បៃដិន នឹងចាកចេញពីសហរដ្ឋអាមេរិកនៅចុងសប្ដាហ៍នេះដើម្បីចូលរួមកិច្ចប្រជុំក្រុមប្រទេស G7 នៅក្នុងប្រទេសអាល្លឺម៉ង់ ហើយបន្ទាប់មកនឹងបន្តធ្វើដំណើរទៅកាន់ប្រទេសអេស្ប៉ាញសម្រាប់កិច្ចប្រជុំកំពូលអង្គការណាតូដែលធ្វើឡើងនៅទីក្រុង Madrid ៕

ប្រែសម្រួលដោយ ៖ ជីវ័ន្ត

ប្រភព ៖ Daily Mail

ចុចអាន ៖ មកដឹងចំនួនទាហានស៊ីឈ្នួលស្លាប់ និងកំពុងប្រយុទ្ធឲ្យ អ៊ុយក្រែន