បែកធ្លាយវីដេអូ ទាហានរុស្ស៊ីមួយក្រុម ត្រូវអ៊ុយក្រែន ចាប់បាន ដាក់ឲ្យអង្គុយនឹងដី ចងដៃជាប់

វីដេអូមួយ បានបង្ហាញពីទាហានរុស្ស៊ីមួយក្រុម បន្ទាប់ពីពួកគេត្រូវបានចាប់ខ្លួន ដោយកងកម្លាំងអ៊ុយក្រែននៅសមរភូមិ Luhansk។

ឃ្លីបនេះ ត្រូវបានបង្ហោះនៅលើកម្មវិធីផ្ញើសារ Telegram និងថតក្នុងអំឡុងពេលការប្រយុទ្ធគ្នាដ៏ខ្លាំងក្លា នៅក្នុងតំបន់ភាគខាងកើតរបស់ប្រទេសអ៊ុយក្រែន ខណៈទីក្រុង Sievierodonetsk ទទួលរងនូវការទម្លាក់គ្រាប់បែកយ៉ាងធ្ងន់ធ្ងរ។

ខ្សែអាត់​វីដេអូ​នេះ​ ​បង្ហាញពី​ទាហាន​រុស្ស៊ី​ដែល​ត្រូវ​​ចាប់ខ្លួនបានចំនួន ១៤​នាក់​ ​កំពុង​អង្គុយ ​និង​ចង​ដៃ​។ នេះ​បើ​តាមសេចក្តីរាយការណ៍របស់​កាសែត The Daily Express ខណៈ​រុស្ស៊ី​បន្ថែម​ទាហាន ​ចូលទៅ​ភាគ​ខាង​កើតប្រទេសអ៊ុយក្រែន។

អភិបាលក្រុង Luhansk លោក Serhiy Gaidai បាននិយាយមុននេះថា លោក វ្ល៉ាឌីមៀរ ពូទីន កំពុងដាក់ពង្រាយទាហានបន្ថែម ក្នុងការប៉ុនប៉ង ដើម្បីដណ្តើមយកទីក្រុង Sievierodonetsk។

គួរបញ្ជាក់ថា កាលពីថ្ងៃចន្ទទី ២០ខែមិថុនា ប្រទេសរុស្ស៊ីនិយាយថា កងកម្លាំងរបស់ខ្លួនបានដណ្តើមយកភូមិមួយ នៅជិតទីក្រុងឧស្សាហកម្ម Severodonetsk ដែលជាគោលដៅសំខាន់ក្នុងយុទ្ធនាការរបស់ទីក្រុងមូស្គូ ដើម្បីគ្រប់គ្រងភាគខាងកើតប្រទេសអ៊ុយក្រែន។

ក្រសួងការពារជាតិបាននិយាយរុស្ស៊ីថា ខ្លួនបានឈ្នះនៅភូមិ Metyolkine ដែលមានប្រជាជនតិចជាង៨០០នាក់ មុនពេលសង្រ្គាមចាប់ផ្តើម៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោក Zelensky៖ អាហ្រ្វិក គឺជាចំណាប់ខ្មាំងនៃសង្គ្រាមរបស់រុស្ស៊ី លើអ៊ុយក្រែន