ព័ត៌មានអន្ដរជាតិ
ប្រជាជនអាមេរិក ត្រឹម ១១% ប៉ុណ្ណោះ ដែលស្តីបន្ទោសលោក ពូទីន ចំពោះ ការឡើងថ្លៃឧស្ម័ន
ការស្ទង់មតិរបស់ Rasmussen ចេញផ្សាយកាលពីថ្ងៃអង្គារទី២១ខែមិថុនា បានបង្ហាញថា មានជនជាតិអាមេរិកត្រឹមតែ ១១% ប៉ុណ្ណោះដែលជឿថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន គួរត្រូវស្តីបន្ទោសចំពោះតម្លៃឧស្ម័នហក់ឡើងខ្ពស់នៅសហរដ្ឋអាមេរិក។
![](https://www.kampucheathmey.com/wp-content/uploads/2022/06/image-705.png)
ផ្ទុយទៅវិញ ប្រជាជនអាមេរិកភាគច្រើន បានដាក់ការស្តីបន្ទោសទៅលើលោកប្រធានាធិបតី ចូ បៃដិន។
ជាងពាក់កណ្តាល (៥២%) នៃអ្នកឆ្លើយតបទៅនឹងការស្ទង់មតិរបស់ Rasmussen ដែលធ្វើឡើងកាលពីសប្តាហ៍មុន គឺបានចង្អុលបង្ហាញទៅគោលនយោបាយថាមពលដ៏អន់ខ្សោយរបស់លោក បៃដិន ថាជាហេតុផល ដែលនាំឲ្យតម្លៃឧស្ម័នឈានដល់ការមិនអាចទទួលយកបាន។
![](https://www.kampucheathmey.com/wp-content/uploads/2022/06/image-703.png)
ដោយឡែក អ្នកដែលមិនបន្ទោសលោកពូទីន និងលោក បៃដិន បានចង្អុលទៅក្រុមហ៊ុនប្រេង។ ជាការពិត ២៩% បាននិយាយថា ពួកគេជឿថា ក្រុមឧស្សាហកម្មទាំងឡាយ បានប្រើប្រាស់ភាពមិនច្បាស់លាស់នៃភូមិសាស្ត្រនយោបាយនាពេលបច្ចុប្បន្ន ដើម្បីបង្កើនតម្លៃឧស្ម័ន។
ដោយសារតែលោក បៃដិន ប្រហែលជាដឹងថា ការស្តីបន្ទោសលោក ពូទីន លែងក្លាយជាការចាប់អារម្មណ៍ទៀតហើយនោះ ប្រធានាធិបតីអាមេរិក បានងាកទៅស្តីបន្ទោសក្រុមហ៊ុនប្រេង និងឧស្ម័នវិញ សម្រាប់ការឡើងថ្លៃដ៏ខ្ពស់។
![](https://www.kampucheathmey.com/wp-content/uploads/2022/06/image-704.png)
នាពេលថ្មីៗនេះ លោក បៃដិន បានចោទប្រកាន់ក្រុមហ៊ុនឧស្សាហកម្មថា កំពុងរកលុយបានច្រើនជាងព្រះ ហើយទទូចថា ក្រុមហ៊ុនប្រេងកំពុងមានចេតនាទប់ស្កាត់ការខួងយកប្រេង។
ទោះបីជាអាមេរិកបានហាមឃាត់ការនាំចូលប្រេងពីរុស្ស៊ីកាលពីខែមីនាក៏ដោយ ប៉ុន្តែមុននោះ រុស្ស៊ីបានផ្គត់ផ្គង់តែ ២ ភាគរយប៉ុណ្ណោះនៃប្រេងឆៅរបស់ខ្លួន ហើយសហរដ្ឋអាមេរិកជាអ្នកនាំចេញឧស្ម័នធម្មជាតិសុទ្ធ។ ហេតុនេះហើយ រុស្ស៊ី មិនមែនជាអ្នកទទួលខុសត្រូវទាំងស្រុងចំពោះការកំណត់តម្លៃដ៏ខ្ពស់នោះទេ។
![](https://www.kampucheathmey.com/wp-content/uploads/2022/06/image-706.png)
បញ្ហាសំខាន់នៃពាក់កណ្តាលអាណត្តិរបស់លោក បៃដិន គឺការឡើងថ្លៃឧស្ម័ន។ អ្នកបោះឆ្នោតប្រហែល ៩២% បានយល់ឃើញថា ការកើនឡើងនៃតម្លៃឧស្ម័ន ប្រេងកម្តៅផ្ទះ និងឥន្ធនៈផ្សេងទៀត គឺជាបញ្ហាធ្ងន់ធ្ងរនៅក្នុងការស្ទង់មតិកាលពីថ្ងៃអង្គារ។
ដោយមិនមានសញ្ញានៃការងើបឡើងសេដ្ឋកិច្ច និងការបោះឆ្នោតដែលនឹងមកដល់ក្នុងខែវិច្ឆិកា គណបក្សប្រជាធិបតេយ្យទំនងជាត្រូវបានស្តីបន្ទោសចំពោះការរងទុក្ខផ្នែកសេដ្ឋកិច្ច ហើយសភាទាំងពីរអាចនឹងធ្លាក់ទៅក្រោមការគ្រប់គ្រងរបស់គណបក្សសាធារណរដ្ឋ៕
ប្រែសម្រួល៖ Vann Vann
ប្រភព៖ RT
ចុចអាន៖ កប៉ាល់បរទេសទី១ ចាកចេញពីកំពង់ផែ Mariupol តាមច្រករបៀងដែលបើកដោយយោធារុស្ស៊ី
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៨ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៨ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច