ព័ត៌មានអន្ដរជាតិ

ភ្លើងឆេះស្ពានខ្សែកាបថាមពលនៅហុងកុង ធ្វើឲ្យផ្ទះ២ម៉ឺនខ្នងប្រឈមអត់ភ្លើង២ថ្ងៃ

បានផុស

៣ years មុន

នៅ

ថ្ងៃពុធ ២២ មិថុនា ២០២២

ដោយ

ផ្ទះប្រហែលជា ២០០០០ខ្នងនៅក្នុងទីក្រុងហុងកុងប្រឈមនឹងគ្មានអគ្គីសនីប្រើប្រាស់រយៈពេលពីរថ្ងៃ បន្ទាប់ពីភ្លើងបានឆេះស្ពានខ្សែកាបថាមពលមួយនៅក្នុងតំបន់ Yuen Long កាលពីយប់ថ្ងៃអង្គារ៍ ព្រមទាំងប៉ះពាល់ដល់សេវាមន្ទីរពេទ្យ រថភ្លើង និងសាលារៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិករថាមពល CLP បាននិយាយថា ភ្លើងបានឆេះស្ពានខ្សែកាបថាមពល CLP វេលាម៉ោង៧.១០នាទីយបើថ្ងៃអង្គារ៍ ដែលបានធ្វើឲ្យខូចខាតខ្សែតង់ស្យុងខ្ពស់កម្រិត 132kV ចំនួន៣ដែលផ្គត់ផ្គង់ថាមពលទៅខណ្ឌចំនួន៣គឺខណ្ឌ Yuen Long, Tin Shui Wai និង Tuen Mun។

ទោះជាយ៉ាងណា អគ្គីភ័យនេះមិនបណ្តាលឲ្យមាននរណាម្នាក់របួសទេ។

អតិថិជនប្រហែលជា ១៦០០០០ នាក់នៅខណ្ឌ Yuen Long, Tin Shui Wai និង Tuen Mun ទទួលរងផលប៉ះពាល់មុនគេសម្រាប់ការងាររកស៊ីរបស់ពួកគាត់ ខណៈសេវា MTR នៅតំបន់ទាំងនោះត្រូវបានកាត់ផ្តាច់។

អាជ្ញាធរសុខាភិបាលបាននិយាយថា សេវានៅតាមមន្ទីរពេទ្យជាច្រើនបានទទួលរងផលប៉ះពាល់ ហើយអ្នកជំងឺមួយចំនួនត្រូវបានបញ្ជូនទៅកាន់កន្លែងផ្សេង។

ការិយាល័យអប់រំបាននិយាយថា សាលារៀនចំនួន១៤កន្លែងត្រូវបានផ្អាកការសិក្សានៅថ្ងៃពុធ ទី២២ ខែមិថុនានេះ។

ក្រុមការងារបានប៉ាន់ស្មានថា ការជួសជុលនឹងត្រូវការពេលប្រមាណ២ថ្ងៃទើបអាចផ្គត់ផ្គង់ថាមពលទៅដល់ប្រជាជនដែលមានផ្ទះប្រមាណ២០០០០ខ្នងរងផលប៉ះពាល់នៅខណ្ឌ Tin Shui Wai និងតំបន់ជុំវិញនោះ៕

ប្រែសម្រួល៖ វីរបុត្រ
ប្រភព៖ Agencies/yb(aj)

Related Topics:ទីក្រុង ហុងកុង