លោក បៃដិន ឲ្យសភា អាមេរិក ផ្អាកយកពន្ធប្រេងសាំងមួយរយៈ

ប្រធានាធិបតីអាមេរិកលោក ចូ បៃដិន បានស្នើឲ្យសភាផ្អាកការយកពន្ធប្រេងសាំងរយៈពេល ៣ ខែ ដើម្បីកាត់បន្ថយតម្លៃប្រេងឡើងថ្លៃ ។

លោក បៃដិន បាននិយាយថា លោកកំពុងអំពាវនាវឲ្យសភាផ្អាកការយកពន្ធ អំឡុងពេលធ្វើដំណើរនៅរដូវក្តៅរហូតដល់ចុងខែកញ្ញា ខណៈការ​បញ្ចុះ​តម្លៃ​ឧស្ម័ន​នឹង​ផ្តល់​ការ​ធូរ​ស្រាលសម្រាប់ការចំណាយ​ដល់ក្រុម​គ្រួសារអាមេរិកមួយចំនួន ។

តម្លៃប្រេងសាំងនៅតាមស្ថានីយក្នុងខែនេះគឺខ្ពស់ជាង ៦០ ភាគរយកាលពីឆ្នាំមុន ដែលជាតម្លៃខ្ពស់បំផុតមិនធ្លាប់មានក្នុងកំណត់ត្រា ខណៈពន្ធឧស្ម័នបច្ចុប្បន្នគឺប្រហែល ១៨ សេនក្នុងហ្គាឡុង ។

កន្លងមកសហរដ្ឋអាមេរិកបានស្ដីបន្ទោសការឡើងថ្លៃប្រេងនៅក្នុងប្រទេស និងនៅលើពិភពលោក ដោយសារតែសង្គ្រាមលុកលុយរបស់រុស្ស៊ីមកលើអ៊ុយក្រែន ក៏ដូចជាកត្តាផ្សេងទៀតជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អតីតមេទ័ព អាមេរិក ប្រៀបធៀបសង្គ្រាម រុស្ស៊ី-អ៊ុយក្រែន ទៅនឹង “ការប្រកួតប្រដាល់ទម្ងន់ធ្ងន់”