ព័ត៌មានអន្ដរជាតិ
G7 ដាក់គោលដៅរកប្រាក់៦០០ប៊ីលានដុល្លារទប់ទល់នឹងគម្រោងយក្សរបស់ចិន
មេដឹកនាំក្រុមប្រទេស G7 កាលពីថ្ងៃអាទិត្យ ទី២៦ ខែមិថុនានេះ បានសន្យារៃអង្គាសប្រាក់ឲ្យបាន៦០០ប៊ីលានដុល្លារអាមេរិកនៅក្នុងមូលនិធិសាធារណៈ និងឯកជនរយៈពេល៥ឆ្នាំដើម្បីផ្តល់ហិរញ្ញប្បទានដល់ហេដ្ឋារចនាសម្ព័ន្ធត្រូវការក្នុងប្រទេសកំពុងអភិវឌ្ឍ និងដើម្បីទប់ទល់នឹងមហាគម្រោងរបស់ប្រទេសចិន «ផ្លូវមួយ ខ្សែក្រវ៉ាត់មួយ»។
ប្រធានាធិបតីសហរដ្ឋអាមេរិក លោក ចូ បៃដិន និងបណ្តាមេដឹកនាំ G7 បានចាប់ផ្តើមដំណើរការជាថ្មីនូវមហាគម្រោងរបស់ពួកគេដែលបានដូរឈ្មោះថ្មីគឺ«ភាពជាដៃគូសម្រាប់ការវិនិយោគ និងហេដ្ឋារចនាសម្ព័ន្ធសកល»នៅក្នុងកិច្ចប្រជុំប្រចាំឆ្នាំនៅ Schloss Elmau ភាគខាងត្បូង ប្រទេសអាល្លឺម៉ង់កាលពីចុងសប្តាហ៍នេះ។
លោក បៃដិន បាននិយាយថា អាមេរិកកៀរគរប្រាក់ឲ្យបានចំនួន២០០ប៊ីលានដុល្លារអាមេរិកជាជំនួយមូលនិធិសហព័ន្ធ និងការវិនិយោគឯកជនក្នុងរយៈពេល៥ឆ្នាំខាងមុខដើម្បីឧបត្ថម្ភគាំទ្រដល់គម្រោងនានានៅក្នុងបណ្តាប្រទេសដែលមានប្រាក់ចំណូលទាប និងមធ្យម ដែលនឹងជួយដោះស្រាយការប្រែប្រួលអាកាសធាតុ ព្រមទាំងជួយធ្វើឲ្យប្រសើរឡើងនូវវិស័យសុខាភិបាល សមភាពយ៉េនឌ័រ និងហេដ្ឋារចនាសម្ព័ន្ធឌីជីថល។
«ខ្ញុំចង់បញ្ជាក់ឲ្យច្បាស់លាស់ នេះមិនមែនជាជំនួយ ឬសប្បុរសធម៌ទេ។ វាជាការវិនិយោគមួយដែលនឹងផ្តល់ផលចំណេញសម្រាប់អ្នកគ្រប់គ្នា»។ លោក ចូ បៃដិន មានប្រសាសន៍ និងបញ្ជាក់ថា វានឹងអនុញ្ញាតឲ្យបណ្តាប្រទេសនានាមើលឃើញនូវអត្ថប្រយោជន៍នៃភាពជាដៃគូដ៏រឹងមាំជាមួយប្រជាធិបតេយ្យ។
លោក បៃដិន បានបន្ថែមថា ទឹកប្រាក់រាប់រយលានដុល្លារអាមេរិកបន្ថែមទៀតអាចទទួលបានពីធនាគារអភិវឌ្ឍ គ្រឹះស្ថានហិរញ្ញវត្ថុអភិវឌ្ឍ មូលនិធិទ្រព្យសម្បត្តិអធិបតេយ្យ និងស្ថាប័នផ្សេងៗទៀត។
ជាមួយគ្នានេះ លោក Ursula von der Leyen ប្រធានគណៈកម្មការអឺរ៉ុបបាននិយាយថា អឺរ៉ុបនឹងកៀរគរប្រាក់ចំនួន៣០០ប៊ីលានដុល្លារអាមេរិកសម្រាប់គំនិតផ្តួចផ្តើមក្នុងរយៈពេលដូចគ្នាដើម្បីបង្កើនជម្រើសប្រកបដោយនិរន្តរភាពនឹងគម្រោងយក្ស«ផ្លូវមួយ ខ្សែក្រវ៉ាត់មួយ»របស់ចិន ដែលលោកប្រធានាធិបតី ស៊ី ជិនពីង បានចាប់ផ្តើមតាំងពីឆ្នាំ២០១៣៕
ប្រែសម្រួល៖ វីរបុត្រ
ប្រភព៖ Reuters
កម្ពុជាបានចំណាយជាង២,៦៩ពាន់លានដុល្លារនាំចូលប្រេងឥន្ធនៈ និងប្រេងម៉ាស៊ូតក្នុងឆ្នាំ២០២៤
រដ្ឋមន្ត្រីមហាផ្ទៃបង្ហើបពីការសិក្សាកែសម្រួលការជ្រើសរើស និងលក្ខណៈសម្បត្តិថ្នាក់ដឹកនាំភូមិ
Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ
ឥណ្ឌូណេស៊ីពិន័យ Google ជាង ១២ លានដុល្លារ ដោយចោទពីបទ «អនុវត្តអាជីវកម្មមិនស្មើភាពគ្នា»
រថយន្តកូរ៉េដឹកជ្រូក បើកគេចម៉ូតូឆ្លងផ្លូវ ជ្រុលបុកខឿនចែកទ្រូងផ្លូវខ្ទាតប៉ះម៉ូតូដួល របួសធ្ងន់ម្នាក់
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ