ព័ត៌មានអន្ដរជាតិ

ឥណ្ឌូណេស៊ី ប្តេជ្ញា បន្តកិច្ចសហប្រតិបត្តិការជាមួយ រុស្ស៊ី

បានផុស

៣ years មុន

នៅ

ថ្ងៃសុក្រ ១ កក្កដា ២០២២

ដោយ

ប្រធានាធិបតីឥណ្ឌូណេស៊ី លោក Joko Widodo បានប្រាប់អ្នកសារព័ត៌មានបន្ទាប់ពីជំនួបជាមួយលោក វ្ល៉ាឌីមៀរ ពូទីន នៅទីក្រុងមូស្គូកាលពីថ្ងៃព្រហស្បតិ៍ទី៣០ខែមិថុនាថា ប្រទេសឥណ្ឌូណេស៊ី នឹងបន្តកិច្ចសហប្រតិបត្តិការជាមួយរុស្ស៊ី។

ប្រធានាធិបតីឥណ្ឌូណេស៊ី លោក Joko Widodo (ឆ្វេង) និងប្រធានាធិបតីរុស្ស៊ី លោក វ្ល៉ាឌីមៀរ ពូទីន

ថ្លែងតាមរយៈអ្នកបកប្រែ លោកក៏បាននិយាយដែរថា វាជារឿងសំខាន់ណាស់ ក្នុងការឈានទៅរកការដោះស្រាយជម្លោះដោយសន្តិវិធី ក្នុងប្រទេសអ៊ុយក្រែន។

ស្របពេលជាមួយគ្នានោះដែរ តាមសម្តីលោក ពូទីន ប្រាប់ទៅអ្នកយកព័ត៌មានបន្ទាប់ពីជំនួបនោះ, រុស្ស៊ីបានត្រៀមខ្លួនរួចជាស្រេចដើម្បីបំពេញតម្រូវការ ជី របស់ឥណ្ឌូណេស៊ី។

យោងតាមលោកពូទីន, រុស្ស៊ីមានបំណងគោរពកាតព្វកិច្ចរបស់ខ្លួន ក្រោមកិច្ចសន្យាសម្រាប់ការផ្គត់ផ្គង់ថាមពល អាហារ និងជីនៅបរទេស។

ងាកមកលោក Widodo វិញ លោកអះអាងថា បញ្ហាផ្គត់ផ្គង់ស្បៀងអាហារសកល នឹងមិនប្រសើរឡើងទេ ប្រសិនបើជី រុស្ស៊ី និងស្រូវសាលីអ៊ុយក្រែនមិនអាចបញ្ចេញបាន ហើយនិយាយថា លោកបានជំរុញឲ្យមេដឹកនាំ G7 ធានាថា ទណ្ឌកម្មលើប្រទេសរុស្ស៊ីនឹងមិនប៉ះពាល់ដល់ការផ្គត់ផ្គង់អាហារ និងជី នោះទេ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ រុស្ស៊ី ព្រមានថា “វាំងននដែកថ្មី” ចាប់ផ្តើមទម្លាក់ចុះមកហើយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត