ព័ត៌មានអន្ដរជាតិ

ថ្ងៃនេះ អតីតប្រធានសន្តិសុខ John Lee ស្បថចូលកាន់តំណែងមេដឹកនាំហុងកុង

បានផុស

៣ years មុន

នៅ

ថ្ងៃសុក្រ ១ កក្កដា ២០២២

ដោយ

អតីតប្រធានសន្តិសុខទីក្រុងហុងកុង លោក John Lee អាយុ៦៤ឆ្នាំបានស្បថចូលកាន់តំណែងជាមេដឹកនាំថ្មីរបស់ទីក្រុងមួយនេះនៅថ្ងៃទី១ ខែកក្កដា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីចិន ស៊ី ជិនពីង បានធ្វើជាអធិបតីភាពនៃពិធីស្បថចូលកាន់តំណែងជាមេដឹកនាំថ្មីរបស់ទីក្រុងហុងកុង។ លោក John Lee ជាអតីតប្រធានសន្តិសុខហុងកុងដែលដឹកនាំក្រុមប៉ូលិសទប់ស្កាត់បាតុកម្មប្រជាធិបតេយ្យដ៏ធំកាលពីឆ្នាំ២០១៩។

ក្នុងសុន្ទរកថានៅថ្ងៃសុក្រនេះ លោក Lee បានលើកឡើងថា នីតិរដ្ឋគឺជាតម្លៃមូលដ្ឋានសម្រាប់ទៅក្រុងហុងកុង។ ច្បាប់សន្តិសុខជាតិបាននាំមកនូវស្ថេរភាពដល់ទីក្រុង បន្ទាប់ពីការតវ៉ាទ្រង់ទ្រាយធំប្រឆាំងរដ្ឋាភិបាលកាលពីឆ្នាំ២០១៩។

លោក Lee ជាបេក្ខភាពតែម្នាក់គត់ក្នុងការបោះឆ្នោតជ្រើសរើសមេដឹកនាំហុងកុងដែលរៀបចំដោយរដ្ឋាភិបាលទីក្រុងប៉េកាំងដើម្បីជំនួយលោកស្រី Carrie Lam ដែលត្រូវចាកចេញ។

ការតែងតាំងលោក Lee ក៏មានការព្រួយបារម្ភដែរថា ទីក្រុងប៉េកាំងអាចនឹងរឹតត្បិតថែមទៀតនៅក្នុងការគ្រប់គ្រងទីក្រុងហុងកុង។

លោកបានចំណាយពេលវេលាច្រើនបំផុតក្នុងការងារជាមន្ត្រីរាជការនៅក្នុងក្របខណ្ឌប៉ូលិស និងការិយាល័យសន្តិសុខ ហើយជាអ្នកគាំទ្រយ៉ាងខ្លាំងសម្រាប់ច្បាប់សន្តិសុខជាតិដែលត្រូវបានអនុម័តលើទីក្រុងហុងកុងកាលពីឆ្នាំ២០២០៕

ប្រែសម្រួល៖ វីរបុត្រ
ប្រភព៖ CNA

Related Topics:ទីក្រុង ហុងកុង