Connect with us

ព័ត៌មានអន្ដរជាតិ

ប្រតិបត្តិការ​ស្វែង​រកអ្នកនៅរស់ ​ពីការ​បាក់​ដី​នៅ​ឥណ្ឌា​ ឈាន​ចូល​ថ្ងៃ​ទី៣ ខណៈមនុស្ស ​២៥​នាក់បាត់បង់ជីវិត​

បានផុស

នៅ

ការស្វែងរកអ្នករស់រានមានជីវិតដែលកប់ក្រោមបំណាក់ដី នៅភាគឦសានប្រទេសឥណ្ឌាបានឈានចូលថ្ងៃទីបីហើយ ខណៈសពមនុស្សចំនួន ២៥នាក់ ត្រូវបានទាញចេញពីគំនរបាក់បែក នៅការដ្ឋានសំណង់មួយ ក្នុងរដ្ឋ Manipur។

កងកម្លាំងសន្តិសុខ និងក្រុមសង្គ្រោះបន្ទាន់ បានខិតខំប្រឹងប្រែងទាំងថ្ងៃទាំងយប់ ដើម្បីស្វែងរកអ្នកនៅរស់រានមានជីវិតបន្ថែមទៀតខណៈ មនុស្សជិត ៤០ នាក់នៅតែបាត់ខ្លួន។

ជនរងគ្រោះភាគច្រើនជាទាហានបម្រុង មកពីកងទ័ព Territorial Army ដែលកំពុងធ្វើការលើគម្រោងផ្លូវដែក។

សេចក្តីថ្លែងការណ៍របស់កងទ័ពបានឲ្យដឹងថា រហូតមកដល់ពេលនេះ មនុស្សចំនួន ១៨ នាក់ត្រូវបានទាញទាំងរស់​ ខណៈទាហានបម្រុងចំនួន១២នាក់ និងជនស៊ីវិល២៦នាក់នៅតែបាត់ខ្លួន។

នាយករដ្ឋមន្រ្តីរដ្ឋ Manipur លោក N Biren Singh បាននិយាយថា ស្ថានភាពនៅកន្លែងបាក់ដីគឺ នៅតែធ្ងន់ធ្ងរ ដោយទឹកភ្លៀង និងអាកាសធាតុអាក្រក់ បានរារាំងដល់កិច្ចខិតខំប្រឹងប្រែងជួយសង្គ្រោះ។

គួរបញ្ជាក់ថា តំបន់ភាគឦសានដាច់ស្រយាលរបស់ប្រទេសឥណ្ឌា បានទទួលរងនូវភ្លៀងធ្លាក់ខ្លាំងក្នុងរយៈពេលប៉ុន្មានសប្តាហ៍ថ្មីៗ ដែលបង្កឲ្យមានការបាក់ដី និងទឹកជំនន់។

មនុស្សរាប់សិបនាក់ត្រូវបានសម្លាប់នៅក្នុងតំបន់ បន្ទាប់ពីទឹកជំនន់កាលពីខែមុន ហើយកាលពីដើមឆ្នាំនេះ មនុស្សយ៉ាងតិច ១០នាក់ រួមទាំងកុមារអាយុ ៤ ឆ្នាំម្នាក់ផងដែរ ត្រូវបានសម្លាប់នៅក្នុងគ្រោះទឹកជំនន់ និងការបាក់ដី បន្ទាប់ពីភ្លៀងធ្លាក់ខ្លាំងមិនធម្មតា បានវាយប្រហារតំបន់ជាច្រើននៃប្រទេសឥណ្ឌា៕

ប្រែសម្រួល៖ Vann Vann

ប្រភព៖ CNA

ចុចអាន៖ អ៊ីរ៉ង់ ជួបគ្រោះរញ្ជួយដីខ្លាំងក្លា ៣លើក ស្លាប់និងរបួសមនុស្សមួយចំនួន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២១ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៣ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម