ព័ត៌មានអន្ដរជាតិ

អង់គ្លេស សន្យាធ្វើគ្រប់យ៉ាងដើម្បីឲ្យ អ៊ុយក្រែន ឈ្នះសង្គ្រាម

បានផុស

២ years មុន

នៅ

ថ្ងៃចន្ទ ៤ កក្កដា ២០២២

ដោយ

រដ្ឋមន្ត្រីការបរទេសអង់គ្លេសលោកស្រី Liz Truss បានសន្យាថា ចក្រភពអង់គ្លេសនឹងធ្វើអ្វីគ្រប់យ៉ាងតាមតែអាចទៅបានដើម្បីធានាឲ្យអ៊ុយក្រែនឈ្នះសង្គ្រាមលើរុស្ស៊ី ក៏ដូចជាជួយស្ដារប្រទេសនេះឡើងវិញផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីនឹងប្រាប់សន្និសីទស្តីពី “ការស្តារប្រទេសអ៊ុយក្រែន” ដែលរៀបចំឡើងក្នុងប្រទេសស្វីសនៅថ្ងៃចន្ទនេះថា ចក្រភពអង់គ្លេសនឹងគាំទ្រប្រទេសដែលរងការប្រឈមមុខដាក់គ្នាក្នុងរយៈពេលវែង និងទប់ទល់សង្គ្រាមលុកលុយរបស់ប្រធានាធិបតីរុស្ស៊ី វ្ល៉ាឌីមៀ ពូទីន ។

ទន្ទឹមនោះការិយាល័យកិច្ចការបរទេសបាននិយាយថា ប្រធានាធិបតីអ៊ុយក្រែនលោក Volodymyr Zelensky ក៏បានស្នើឲ្យចក្រភពអង់គ្លេសធ្វើជាជើងឯកក្នុងការស្តារទីក្រុងកៀវឡើងវិញ រួមទាំងតំបន់ជុំវិញនោះផងដែរ ។

ប៉ុន្តែការព្យាយាមកសាងតំបន់នេះឡើងវិញហាក់ប្រឈមបញ្ហាកាន់តែខ្លាំង ដោយសារសមត្ថភាពមីស៊ីលរបស់រុស្ស៊ីក្នុងការវាយលុករដ្ឋធានីមួយនេះ ខណៈដែលកងកម្លាំងរបស់វិមានក្រឹមឡាំងក៏កំពុងឈានទៅមុខបន្តិចម្តងៗនៅភាគខាងកើត ។

បន្ថែមពីនេះការប្ដេជ្ញារបស់អង់គ្លេសក៏កើតឡើង ស្របពេលដែលកងកម្លាំងរបស់រុស្ស៊ីបានគ្រប់គ្រងទាំងស្រុងលើខេត្ត Luhansk នៅភាគខាងកើតប្រទេសអ៊ុយក្រែន បន្ទាប់ពីដណ្តើមកាន់កាប់បន្ទាយចុងក្រោយនៅទីក្រុង Lysychansk ៕