ព័ត៌មានអន្ដរជាតិ
សិង្ហបុរី ហាមឃាត់អ្នកដំណើរមកពីចក្រភពអង់គ្លេសដោយសារជំងឺក្លាយពូជប្រភេទថ្មី
ប្រទេសសិង្ហបុរីបានចូលរួមជាមួយប្រទេសចំនួន៤០ផ្សេងទៀតក្នុងការរឹតបន្តឹងការរឹតត្បិតលើអ្នកដំណើរមកពីចក្រភពអង់គ្លេសបន្ទាប់ពីមានការលេចចេញវីរុសក្លាយប្រភេទថ្មីនៅទីនោះដែលកំពុងឆ្លងកាន់តែខ្លាំង។

ក្រសួងសុខាភិបាលបាននិយាយថា ចាប់ពីម៉ោង១១និង៥៩នាទីយប់ថ្ងៃទី២៣ខែធ្នូនេះទៅ អ្នកធ្វើដំណើររយៈពេលវែងនិងរយៈពេលខ្លីទាំងអស់ដែលមានប្រវត្តិធ្វើដំណើរទៅចក្រភពអង់គ្លេសក្នុងរយៈពេល១៤ថ្ងៃចុងក្រោយនឹងមិនត្រូវបានអនុញ្ញាតឲ្យចូលឬធ្វើដំណើរឆ្លងកាត់ប្រទេសសិង្ហបុរីឡើយ។
ការហាមឃាត់នេះក៏នឹងអនុវត្តផងដែរចំពោះអ្នកដែលបានទទួលការយល់ព្រមជាមុនសម្រាប់ការចូលមកក្នុងប្រទេសសិង្ហបុរី។

ចំពោះប្រជាជនសិង្ហបុរីដែលវិលត្រឡប់និងអ្នកស្នាក់នៅជាអចិន្ត្រៃយ៍ ពួកគេនឹងត្រូវធ្វើតេស្តនៅពេលមកដល់ហើយបង្ហាញសេចក្តីជូនដំណឹងអំពីការធ្វើចត្តាឡីស័ករយៈពេល១៤ថ្ងៃ។
រដ្ឋមន្រ្តីក្រសួងអប់រំលោក Lawrence Wong ដែលជាសហប្រធាននៃក្រុមការងារចម្រុះក្រសួងប្រយុទ្ធប្រឆាំងនឹងជំងឺកូវីដ១៩បានប្រាប់អ្នកយកព័ត៌មានកាលពីម្សិលមិញថា ប្រទេសសិង្ហបុរីកំពុងតាមដានស្ថានការណ៍នៅចក្រភពអង់គ្លេសយ៉ាងជិតស្និទ្ធ។

លោកនិយាយថា “ការវាយតម្លៃបឋមគឺថា ជំងឺក្លាយពូជប្រភេទថ្មីគឺមានការឆ្លងខ្លាំងជាងកូវីដ៧០ភាគរយហើយដូច្នេះ យើងគិតថា វាជាការប្រុងប្រយ័ត្នក្នុងការបញ្ឈប់រាល់អ្នកដំណើរដែលមកពីចក្រភពអង់គ្លេសក្នុងកំឡុងពេលនេះរហូតដល់ពេលយើងអាចដឹងបន្ថែមទៀតអំពីជំងឺក្លាយពូជប្រភេទថ្មីនេះ”៕
ប្រែសម្រួលដោយ៖ Vann Vann
ប្រភព៖ AsianOne
ចុចអាន៖ ការសិក្សា៖ ទារកដែលកើតពីម្តាយឆ្លងកូវីដគឺមានអង់ទីគ័រប្រឆាំងជំងឺនេះ
ចុចអាន៖ ក្រុមហ៊ុន Moderna ព្រមព្រៀងជាមួយសិង្ហបុរី ផ្គត់ផ្គង់វ៉ាក់សាំងកូវីដ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ