នេះជាចម្លើយសារភាពរបស់ខ្មាន់កាំភ្លើង ដែលបាញ់លោក Abe

អតីតនាយករដ្ឋមន្ត្រីជប៉ុន លោក Abe Shinzo កំពុងស្ថិតនៅក្នុងមន្ទីរពេទ្យ ជាមួយស្ថានភាពធ្ងន់ធ្ងរបំផុត បន្ទាប់ពីត្រូវបាញ់ប្រហារនៅតាមផ្លូវក្នុងខេត្ត Nara ភាគខាងលិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបានចាប់ខ្លួន លោក Yamagami Tetsuya ពីបទប៉ុនប៉ងមនុស្សឃាត។ ប្រភពស៊ើបអង្កេតបានប្រាប់ NHK ថា កាំភ្លើងដែលរឹបអូសបាននៅកន្លែងកើតហេតុ គឺជាកាំភ្លើងច្នៃដោយខ្លួនឯង។

ជនសង្ស័យ​អាយុ​៤១​ឆ្នាំ រស់នៅ​ក្រុង​ Nara ជា​កន្លែង​ដែល​ការបាញ់ប្រហារ​កើតឡើង​។

យោងតាមប្រភព​ការពារ​ជាតិ​, ជន​សង្ស័យ​បាន​ធ្វើ​ការឲ្យ​កង​កម្លាំង​ស្វ័យ​ការពារ​ដែន​សមុទ្រ អស់​រយៈ​ពេល​បី​ឆ្នាំ ​រហូត​ដល់​​ឆ្នាំ ២០០៥។

ប៉ូលិសនិយាយថា ជនសង្ស័យបានសារភាពប្រាប់អ្នកស៊ើបអង្កេតថា គាត់មិនពេញចិត្តនឹងអតីតនាយករដ្ឋមន្ត្រី Abe ហើយមានបំណងចង់សម្លាប់គាត់៕

ប្រែសម្រួល៖ Vann Vann

ប្រភព៖ NHK

ចុចអាន៖ នាយករដ្ឋមន្ត្រីជប៉ុន បញ្ជាក់ស្ថានភាពលោក Abe ពេលនេះ