ព័ត៌មានអន្ដរជាតិ
បាតុកររកឃើញលុយសុទ្ធជិត ៥ ម៉ឺនដុល្លារលាក់ក្នុងផ្ទះប្រធានាធីបតី ស្រីលង្កា (មានវីដេអូ)
ចលនាតវ៉ា GotaGoGama បាននិយាយលើបណ្ដាញ Twitter កាលពីថ្ងៃអាទិត្យថា ក្រុមអ្នកតវ៉ានៅទីក្រុងកូឡុំបូរបស់ប្រទេសស្រីលង្កាបានរកឃើញលុយជាង ១៧,៨ លានរូពី (៤៩,១០០ ដុល្លារ) លាក់នៅក្នុងលំនៅដ្ឋានរបស់លោកប្រធានាធិបតី Gotabaya Rajapaksa ដែលត្រូវបានបណ្តេញចេញពីតំណែង ហើយក៏បានប្រគល់ប្រាក់នេះទៅឲ្យប៉ូលីសតំបន់ Fort ផងដែរ ។
![](https://www.kampucheathmey.com/wp-content/uploads/2022/07/PMD-12.jpg)
កាលពីថ្ងៃសៅរ៍ ទីក្រុងកូឡុំបូបានជួបប្រទះនូវរលកកុបកម្មថ្មី បន្ទាប់ពីប្រជាជនបានធ្វើការតវ៉ាពាក់ព័ន្ធនឹងស្ថានភាពរស់នៅកាន់តែយ៉ាប់យ៉ឺនរបស់ពួកគេ ដែលបណ្តាលមកពីការដួលរលំនៃសេដ្ឋកិច្ចរបស់ប្រទេស ហើយហ្វូងបាតុករទាំងនោះបានហែករនាំងជុំវិញវិមានប្រធានាធិបតី ឡើងលើរបង និងកាន់កាប់តំបន់នោះផងដែរ ។
យោងតាមកាសែត Adaderana របស់ស្រីលង្កាបានឲ្យដឹងថា ដោយមើលឃើញពីស្ថានភាពបែបនេះ លោក Rajapaksa ក៏បានភៀសខ្លួនចេញពីប្រទេសផងដែរ ហើយយោងតាមសេចក្ដីរាយការណ៍ទាំងនាយករដ្ឋមន្ត្រីលោក Ranil Wickremesinghe និងលោកប្រធានាធិបតីរូបនេះនឹងលាលែងពីតំណែងនៅថ្ងៃទី ១៣ ខែកក្កដា ខាងមុខនេះ ។
![](https://www.kampucheathmey.com/wp-content/uploads/2022/07/Sri-Lankaa.jpg)
បច្ចុប្បន្នស្រីលង្កាកំពុងប្រឈមមុខនឹងវិបត្តិនយោបាយ និងសេដ្ឋកិច្ចដែលត្រូវបានចាត់ទុកថាអាក្រក់បំផុត ចាប់តាំងពីទទួលបានឯករាជ្យនៅឆ្នាំ ១៩៤៨ ។ នៅពាក់កណ្តាលខែមេសា ស្រីលង្កាបានសងបំណុលបរទេសសម្រាប់រយៈពេលបណ្តោះអាសន្ន ដោយរង់ចាំការរៀបចំរចនាសម្ព័ន្ធឡើងវិញនៃកាតព្វកិច្ចក្រោមកម្មវិធីកែតម្រូវសេដ្ឋកិច្ចដែលគាំទ្រដោយ IMF ។
ទន្ទឹមនោះវិបត្តិសេដ្ឋកិច្ចនេះ បណ្តាលមកពីគោលនយោបាយរបស់រដ្ឋាភិបាលមិនមានប្រសិទ្ធភាព និងកង្វះការផ្លាស់ប្តូររូបិយប័ណ្ណបរទេសដែលបណ្តាលមកពីការដួលរលំលើវិស័យទេសចរណ៍ ក្នុងអំឡុងពេលជំងឺរាតត្បាតកូវីដ ១៩ ដោយធ្វើឲ្យប្រទេសនេះមិនអាចទិញប្រេងឥន្ធនៈបានគ្រប់គ្រាន់ ប្រជាជនប្រឈមមុខនឹងការខ្វះខាតស្បៀងអាហារ ក៏ដូចជាតម្រូវការជាមូលដ្ឋានផ្សេងៗដូចជា ប្រេងឥន្ធនៈ និងឧស្ម័នជាដើម ខណៈតំបន់ជាច្រើនក៏មានការផ្ដាច់ចរន្តអគ្គិសនីប្រើប្រាស់ផងដែរ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ នាយករដ្ឋមន្រ្តី ស្រីលង្កា ព្រមចុះចេញពីតំណែង ខណៈសេដ្ឋកិច្ចកាន់តែ អាក្រក់ទៅៗ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត