រុស្ស៊ី៖ ការដាក់ទណ្ឌកម្មឯកតោភាគី ដោយលោកខាងលិច នឹងបង្កឲ្យមានវិបត្តិសេដ្ឋកិច្ចសកល

អនុរដ្ឋមន្ត្រីការបរទេសរុស្ស៊ីលោក Sergey Vershinin បាននិយាយនៅក្នុងវេទិកានយោបាយស្តីពីគោលដៅអភិវឌ្ឍន៍ប្រកបដោយនិរន្តរភាពថា ការប៉ុនប៉ងរបស់បណ្តាប្រទេសលោកខាងលិច ដើម្បីដាក់ទណ្ឌកម្មជាឯកតោភាគីប្រឆាំងនឹងរុស្ស៊ី នឹងបង្កឲ្យមានអតិផរណានៅក្នុងប្រទេសលោកខាងលិច និងការធ្លាក់ចុះសេដ្ឋកិច្ចពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Vershinin និយាយថា “ការគណនាខុសអំឡុងពេលជំងឺរាតត្បាត នៅក្នុងគោលនយោបាយម៉ាក្រូសេដ្ឋកិច្ច អាហារ និងថាមពលដោយបណ្តាប្រទេសលោកខាងលិច បាននាំឲ្យមានការកើនឡើងនៃអស្ថិរភាព នៅក្នុងទីផ្សារទំនិញសកលជាយូរ មុនពេលរុស្ស៊ីចាប់ផ្តើមប្រតិបត្តិការយោធាពិសេស”។

លោកបានបន្ថែមថា “ការប៉ុនប៉ងរបស់ដៃគូនានា ដើម្បីបង្វែរការស្តីបន្ទោសទៅលើអ្នកដទៃ និងបញ្ចេញនូវទណ្ឌកម្មជាឯកតោភាគី នឹងនាំមកនូវលទ្ធផល ថ្វីបើ IMF ទទួលស្គាល់ក៏ដោយ។ អតិផរណានៅក្នុងប្រទេសលោកខាងលិចខ្លួនឯង នឹងកាន់តែអាក្រក់ទៅៗ វិបត្តិសេដ្ឋកិច្ចសកលក៏ជិតមកដល់ដែរ”៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ស៊ែប៊ី ថា ជម្លោះ នៅ អ៊ុយក្រែន គឺ ជា សង្រ្គាម លោក ដែលបស្ចិមប្រទេស កំពុង ប្រយុទ្ធ នឹង រុស្ស៊ី