ព័ត៌មានអន្ដរជាតិ

លោក Biden មិនអាចជួយបញ្ចុះតម្លៃប្រេងក្នុងកិច្ចប្រជុំកំពូលអារ៉ាប់

បានផុស

៣ years មុន

នៅ

ថ្ងៃអាទិត្យ ១៧ កក្កដា ២០២២

ដោយ

លោក Joe Biden បានស្នើឲ្យប្រទេសអារ៉ាប់ បង្កើនការផលិតប្រេងឆៅក្នុងអំឡុងកិច្ចប្រជុំកំពូលនៅប្រទេសអារ៉ាប៊ីសាអូឌីត ពោលគឺការជួយបញ្ចុះតម្លៃប្រេងអាចនឹងបរាជ័យ។ ប៉ុន្តែលោកមិនបានទទួលការឆ្លើយតបភ្លាមៗនោះទេ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Biden បាននិយាយថា មេដឹកនាំយល់ព្រមលើតម្រូវការដើម្បីធានាការផ្គត់ផ្គង់គ្រប់គ្រាន់ ដើម្បីបំពេញតម្រូវការពិភពលោក។ លោកក៏បាននិយាយផងដែរថា លោកកំពុងទន្ទឹងរង់ចាំមើលអ្វីដែលកើតឡើង នៅក្នុងប៉ុន្មានខែខាងមុខនេះ។

យ៉ាងណាមិញការអំពាវនាវរបស់លោក Biden ឲ្យមានការបង្កើនផលិតកម្មបានកើតឡើងចំពេលដែលតម្លៃប្រេងពិភពលោកឡើងថ្លៃ។

ទោះបីជាយ៉ាងនេះ បន្ទាប់ពីកិច្ចពិភាក្សា រដ្ឋមន្ត្រីការបរទេសអារ៉ាប៊ីសាអូឌីត បាននិយាយថា មានតែអង្គការ OPEC និងដៃគូរបស់ខ្លួន បន្តវាយតម្លៃស្ថានភាពទីផ្សារ ហើយធ្វើអ្វីដែលចាំបាច់ប៉ុណ្ណោះ។ ខណៈក្រុមប្រទេសផលិតប្រេង OPEC plus ត្រូវបានគេរំពឹងថា នឹងពិភាក្សាថាតើត្រូវបង្កើនទិន្នផលនៅក្នុងកិច្ចប្រជុំ ដែលគ្រោងនឹងធ្វើឡើងនៅដើមខែសីហាខាងមុខ។

ក្នុងអំឡុងកិច្ចប្រជុំកំពូល លោក Biden ក៏បានលើកឡើងអំពីផែនការធ្វើសមាហរណកម្មប្រព័ន្ធការពារដែនអាកាសរបស់ប្រទេសនានានៅមជ្ឈិមបូព៌ាផងដែរ។ ផែនការនេះកំពុងត្រូវបានបង្កើតឡើងជាមួយនឹងប្រទេសអ៊ីរ៉ង់ និងការគំរាមកំហែងទូទៅផ្សេងទៀត។

លោកប្រធានាធិបតីបានសង្កត់ធ្ងន់ថា សហរដ្ឋអាមេរិកនឹងនៅតែជា “ដៃគូសកម្ម និងចូលរួមនៅក្នុងមជ្ឈិមបូព៌ា”។ លោកបានបន្ថែមថា សហរដ្ឋអាមេរិកនឹងមិនដើរចេញពីកន្លែងទំនេរ ដើម្បីបំពេញដោយចិន រុស្ស៊ី ឬអ៊ីរ៉ង់ឡើយ”៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖លោក Joe Biden ត្រៀមជួបស្តេច អារ៉ាប៊ីសាអូឌីត ទោះមានការរិះគន់