រុស្ស៊ី អះអាងកម្ទេចអាវុធ ដែលផ្គត់ផ្គង់ដោយអាមេរិក និងប្រទេសណាតូ រួមទាំងប្រព័ន្ធបាញ់រ៉ុកកែតទំនើប

យោធារុស្ស៊ីបានអះអាងថា ខ្លួនបានបំផ្លាញសព្វាវុធជាច្រើនដែលផ្គត់ផ្គង់ដោយសហរដ្ឋអាមេរិក និងប្រទេសណាតូផ្សេងទៀត រួមទាំងប្រព័ន្ធបាញ់រ៉ុកកែតដ៏ទំនើបផងដែរ ក្នុងអំឡុងពេលនៃការវាយប្រហារថ្មីលើទីតាំងរបស់អ៊ុយក្រែនកាលពីថ្ងៃអាទិត្យទី១៧ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការពារជាតិរុស្ស៊ី លោក Igor Konashenkov បាននិយាយកាលពីថ្ងៃអាទិត្យថា ឃ្លាំងមួយនៅកំពង់ផែសមុទ្រខ្មៅ Odesa ដែលរក្សាទុកមីស៊ីលប្រឆាំងនាវា Harpoon ត្រូវបានវាយប្រហារ ខណៈប្រព័ន្ធបាញ់រ៉ុកកែតពហុមុខងារ HIMARS ដែលផ្គត់ផ្គង់ដោយសហរដ្ឋអាមេរិក ត្រូវបានកម្ទេចនៅតំបន់ Donetsk ភាគខាងកើត។

អ្នកវិភាគយោធានិយាយថា ការកំណត់ទីតាំង និងការបំផ្លាញប្រព័ន្ធ HIMARS គឺជាកិច្ចការដ៏លំបាកមួយ ហើយខ្លួនមិនទាន់អាចបញ្ជាក់ អំពីការអះអាងរបស់ទីក្រុងមូស្គូបាននៅឡើយទេ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ យន្តហោះ អ៊ុយក្រែន ផ្ទុកពេញដោយគ្រាប់ មីននិងសព្វាវុធទម្ងន់ជាង ១១តោន ធ្លាក់នៅ ក្រិក