ព័ត៌មានអន្ដរជាតិ
ជម្លោះ រុស្ស៊ី-អ៊ុយក្រែន នឹងបញ្ចប់ស្រដៀងសង្គ្រាមកូរ៉េ
លោក James Stavridis អតីតមេបញ្ជាការកំពូលរបស់អង្គការណាតូសម្រាប់អឺរ៉ុបបាននិយាយកាលពីថ្ងៃចន្ទថា ជម្លោះរុស្ស៊ី និងអ៊ុយក្រែនទំនងជានឹងបញ្ចប់ក្នុងរយៈពេលពី ៤ ទៅ ៦ ខែទៀត ដោយសារតែការបង្កកជម្លោះ ហើយនឹងបញ្ចប់ស្រដៀងសង្គ្រាមកូរ៉េ ។

លោក Stavridis បាននិយាយក្នុងអំឡុងពេលកិច្ចសម្ភាសន៍តាមវិទ្យុ WABC 770 AM ថា “កងកម្លាំងអ៊ុយក្រែនកំពុងតែប្រយុទ្ធយ៉ាងខ្លាំងក្លាជាមួយនឹងផែនការសង្គ្រាមរបស់លោក វ្ល៉ាឌីមៀ ពូទីន បន្ទាប់ពីកងកម្លាំងរុស្ស៊ីទទួលបានទឹកដីបន្តិចបន្តួច ពេលចាប់ផ្តើមជម្លោះ” ។
លោកបានបន្តទៀតថា “រឿងនេះកំពុងឆ្ពោះទៅរកការបញ្ចប់សង្គ្រាមកូរ៉េ ពោលគឺសំដៅលើបទឈប់បាញ់ តំបន់គ្មានយោធារវាងភាគីទាំងពីរ ភាពច្របូកច្របល់ដែលកំពុងបន្ត ជាពិសេសការបង្កកជម្លោះក្នុងរយៈពេល ៤ ទៅ ៦ ខែ“ ។

សង្រ្គាមកូរ៉េដែលជាការប្រយុទ្ធរវាងកូរ៉េខាងជើង និងកូរ៉េខាងត្បូងនៅចន្លោះឆ្នាំ ១៩៥០ និង ១៩៥៣ ដោយនៅពេលនោះសហភាពសូវៀតជាអ្នកគាំទ្រកូរ៉េខាងជើង ខណៈដែលកូរ៉េខាងត្បូងត្រូវបានផ្តល់ជំនួយដោយសហរដ្ឋអាមេរិក ។ ជម្លោះរវាងប្រទេសទាំងពីរបានបញ្ចប់ដោយបទឈប់បាញ់នៅខែកក្កដា ឆ្នាំ១៩៥៣ ដែលបានបង្កើតជាតំបន់គ្មានយោធា ។
ទោះជាយ៉ាងណាក៏ដោយ ដោយសារតែគ្មានសន្ធិសញ្ញាសន្តិភាពជាផ្លូវការត្រូវបានចុះហត្ថលេខានៅក្នុងប៉ុន្មានឆ្នាំបន្តបន្ទាប់គ្នានេះ ប្រទេសទាំងពីរនៅតែស្ថិតក្នុងស្ថានភាពសង្គ្រាមនៅឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ Business Insider
ចុចអាន ៖ រុស្ស៊ី បញ្ជាឲ្យយោធាបង្កើនប្រតិបត្តិការខ្លាំងឡើងៗនៅ អ៊ុយក្រែន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ