ទាហានរុស្ស៊ី ស្លាប់ និងរបួស ក្នុងឧប្បត្តិហេតុដ៏អាថ៌កំបាំង នៅរោងចក្រថាមពលនុយក្លេអ៊ែរ

ទាហានរុស្ស៊ីត្រូវបានសម្លាប់ និងរងរបួសក្នុងឧប្បត្តិហេតុដ៏អាថ៌កំបាំង ដែលមិនអាចពន្យល់ នៅឯរោងចក្រថាមពលនុយក្លេអ៊ែរ Zaporizhzhia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dmytro Orlov អភិបាលក្រុង Enerhodar ដែលជាទីតាំងរបស់រោងចក្រនេះ បាននិយាយថា កងទ័ពភ័យខ្លាចខ្លាំង ពួកគេរត់ទាំងស្លន់ស្លោ។ អ្នកខ្លះកំពុងសង្គ្រោះបន្ទាន់ នៅមន្ទីរពេទ្យ។

ទោះបីជាយ៉ាងណាក៏ដោយ មូលហេតុ​នៃ​រឿង​នេះ ​មិន​ត្រូវ​បាន​គេ​ដឹង​ឡើយទេ បើ​ទោះ​បី​ជា​ទាហាន​របស់​លោក Putin បាន​ប្រើ​រោងចក្រ​ថាមពលនេះ ​ដើម្បីស្តុក​អាវុធ​ជា​ច្រើន រួម​ទាំង​ប្រព័ន្ធ​មីស៊ីល​ក៏​ដោយ។

ប្រធានទីភ្នាក់ងារនុយក្លេអ៊ែរអ៊ុយក្រែន Energoatom បានព្រមានកាលពីថ្ងៃសុក្រថា ស្ថានការណ៍មានភាពតានតឹងខ្លាំង ដោយមានទាហានរុស្ស៊ីរហូតដល់ទៅ ៥០០នាក់ បានគ្រប់គ្រងទីតាំងនោះ។

លោក Petro Kotin និយាយថា “អ្នកកាន់កាប់ បាននាំយកគ្រឿងចក្ររបស់ពួកគេទៅទីនោះរួចហើយ រួមទាំងប្រព័ន្ធមីស៊ីល ដែលពួកគេបានបាញ់ផ្លោងទៅម្ខាងទៀតនៃទន្លេ Dnipro និងទឹកដី Nikopol ផងដែរ”។

យោងតាមអភិបាលក្រុងលោក Orlov, ទាហានចំនួន៩នាក់ ត្រូវបានបញ្ជូនទៅមន្ទីរពេទ្យក្នុងតំបន់ ជាមួយនឹងកម្រិតនៃភាពធ្ងន់ធ្ងរខុសៗគ្នា។ អ្នក​ខ្លះ​បាន​ស្លាប់ ប៉ុន្តែ​យើង​មិន​អាច​ប្រាប់​តួលេខ​ពិតបានទេ​នៅ​ពេល​នេះ​។

គួរបញ្ជាក់ថា រោងចក្រ Zaporizhzhia ដែលបង្កើតបានប្រហែល ២០ ភាគរយនៃអគ្គិសនីរបស់ប្រទេសអ៊ុយក្រែន គឺត្រូវបានរឹបអូសដោយកងកម្លាំងរុស្ស៊ីកាលពីថ្ងៃទី ៤ ខែមីនា ហើយបច្ចុប្បន្ន ពួកគេបានគ្រប់គ្រងអគាររដ្ឋបាល និងស្ថានីយ៍៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ជំនួយការលោក Zelensky៖ អ៊ុយក្រែន ត្រូវតែឈ្នះរុស្ស៊ី ឲ្យបាន មុនរដូវរងាចូលមកដល់