ព័ត៌មានអន្ដរជាតិ

ជំទាវទី១ អ៊ុយក្រែន ចេញមុខដោយផ្ទាល់ អង្វរសុំអាវុធ អាមេរិក

បានផុស

៣ years មុន

នៅ

ថ្ងៃព្រហស្បតិ៍ ២១ កក្កដា ២០២២

ដោយ

ជំទាវទី១របស់ប្រទេសអ៊ុយក្រែន លោកស្រី Olena Zelenska កាលពីថ្ងៃពុធទី២០ខែកក្កដា បានអំពាវនាវទៅកាន់សភាអាមេរិក ខណៈរុស្ស៊ីបន្តសង្រ្គាមនៅ អ៊ុយក្រែន។

លោកស្រី Zelenska បានគូសបញ្ជាក់ពីភាពឃោរឃៅ ដែលកងកម្លាំងរុស្ស៊ី ប្រព្រឹត្តដាក់ជនស៊ីវិល ជាពិសេសលើកុមារអ៊ុយក្រែន។

នៅក្នុងព្រឹត្តិការណ៍មិនធម្មតា ជំទាវទីមួយអ៊ុយក្រែន បានធ្វើការអង្វរករ សុំសព្វាវុធ និងឧបករណ៍ការពារ ដើម្បីទប់ទល់ការវាយលុកជាបន្តរបស់រុស្ស៊ី។

លោកស្រីនិយាយថា “ខ្ញុំសូមស្នើសុំអាវុធ។ ខ្ញុំសូមស្នើសុំប្រព័ន្ធការពារអាកាស ដើម្បីកុំឲ្យគ្រាប់រ៉ុកកែតសម្លាប់កុមារនៅលើរទេះរុញរបស់ពួកគេទៀត។ សូមជួយយើង បញ្ឈប់ការភ័យខ្លាចនេះផង។ ហើយនេះនឹងជាអំណររបស់យើង ជាជ័យជម្នះដ៏អស្ចារ្យក្នុងនាមជីវិត សេរីភាព និងការស្វែងរកសុភមង្គល។ យើងចង់ឲ្យឪពុកម្តាយគ្រប់រូប អាចប្រាប់កូនរបស់ពួកគេ ឲ្យទៅគេងឲ្យលក់ស្កប់ស្កល់ នឹងមិនមានការវាយលុកតាមអាកាសទៀតទេ”។

គួរបញ្ជាក់ថា ការអង្វររបស់ជំទាវទីមួយអ៊ុយក្រែន បានធ្វើឡើងចំពេល រុស្ស៊ីបង្កើនការបាញ់រ៉ុកកែតរបស់ខ្លួននៅទូទាំងប្រទេស និងនៅលើតំបន់ជុំវិញទីក្រុងកៀវ ជាថ្មីម្តងទៀត៕

ប្រែសម្រួល៖ Vann Vann

ប្រភព៖ FOX

ចុចអាន៖ រុស្ស៊ី ផ្លាស់ប្តូរយុទ្ធសាស្រ្ត និងពង្រីកគោលដៅគោលដៅយោធា នៅអ៊ុយក្រែន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត