ព័ត៌មានអន្ដរជាតិ

ភរិយាលោក Abe ឆ្លើយបែបណា រឿងឈរឈ្មោះបោះឆ្នោតជំនួសស្វាមី

បានផុស

២ years មុន

នៅ

ថ្ងៃសុក្រ ២២ កក្កដា ២០២២

ដោយ

ភរិយារបស់អតីតនាយករដ្ឋមន្ត្រីជប៉ុនលោក Abe Shinzo បានប្រាប់នាយករដ្ឋមន្ត្រីបច្ចុប្បន្នគឺលោក Fumio Kishida កាលពីថ្ងៃព្រហស្បតិ៍ថា លោកស្រីមិនមានបំណងឈរឈ្មោះនៅក្នុងការបោះឆ្នោតសភាជាន់ទាបដើម្បីបំពេញកន្លែងទំនេរសម្រាប់ខេត្ត Yamaguchi ភាគខាងលិចជប៉ុន ក្រោយការស្លាប់ស្វាមីរបស់លោកស្រីនោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Akie Abe បានលើកឡើងបែបនេះ បន្ទាប់ពីបានចូលរួមកិច្ចប្រជុំជាមួយសមាជិកសភាជាន់ទាបដែលគេហៅថា Diet របស់គណបក្សប្រជាធិបតេយ្យសេរី (LDP) កំពុងកាន់អំណាចដែលប្តីរបស់លោកស្រីធ្លាប់ដឹកនាំ ។

ក្រោយមកលោកស្រី Akie Abe ក៏បានជួបជាមួយលោក Fumio Kishida និងមន្ត្រីផ្សេងទៀតនៃគណបក្ស LDP រយៈពេល ១០ នាទីដើម្បីសម្តែងការដឹងគុណចំពោះការគាំទ្ររបស់ពួកគេ ចាប់តាំងពីស្វាមីលោកស្រីបានទទួលមរណភាពក្នុងខែនេះ ។

ទន្ទឹមនោះលោកស្រី Akie Abe ក៏បានជួបជាមួយអតីតនាយករដ្ឋមន្ត្រីលោក Suga Yoshihide ដែលមានតួនាទីជាប្រធានអ្នកនាំពាក្យរដ្ឋាភិបាល អំឡុងពេលលោក Abe កាន់តំណែង ខណៈនៅព្រឹកថ្ងៃដដែលនោះលោកស្រីក៏បានជួបអនុប្រធានគណបក្សលោក Aso Taro និងលោក Motegi Toshimitsu ជាអគ្គលេខាធិការបក្សផងដែរ ។

គួរបញ្ជាក់ថា អតីតនាយករដ្ឋមន្ត្រីជប៉ុនលោក Abe Shinzo ត្រូវខ្មាន់កាំភ្លើងបាញ់សម្លាប់កាលពីថ្ងៃទី ៨ ខែកក្កដា ខណៈពេលកំពុងថ្លែងសុន្ទរកថាយុទ្ធនាការឃោសនាបោះឆ្នោតនៅទីក្រុង Nara ភាគខាងលិចប្រទេសជប៉ុន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប៉ូលិសយាមលោក Abe ប្រាប់ថា មានអ្នករំខាន ទើបភ្នាត់ស្នៀតការពារមិនបាន