រុស្ស៊ី បន្ថែមប្រទេសចំនួន ៥ ទៀត ចូលក្នុងបញ្ជី “រដ្ឋអមិត្ត”

រដ្ឋាភិបាលរុស្ស៊ី បានពង្រីកបញ្ជី “រដ្ឋអមិត្ត” ដោយដាក់បញ្ចូលប្រទេសក្រិក ដាណឺម៉ាក ស្លូវេនី ក្រូអាស៊ី និងស្លូវ៉ាគី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈរដ្ឋមន្ត្រីបាននិយាយនៅក្នុងសេចក្តីថ្លែងការណ៍មួយថា “រដ្ឋាភិបាល បានធ្វើបច្ចុប្បន្នភាពបញ្ជីរដ្ឋបរទេស ដែលប្រព្រឹត្តសកម្មភាពអមិត្ត ប្រឆាំងនឹងបេសកកម្មការទូត និងកុងស៊ុលរុស្ស៊ីនៅបរទេស។ បញ្ជីនេះរួមមានប្រទេសក្រិក ដាណឺម៉ាក ស្លូវេនី ក្រូអាស៊ី និងស្លូវ៉ាគី”។

ឥឡូវ ប្រទេសទាំងនេះ ត្រូវដាក់កំហិតក្នុងការជួលបុគ្គលិកនៅក្នុងស្ថានទូត ស្ថានកុងស៊ុល និងការិយាល័យតំណាងរបស់ទីភ្នាក់ងាររដ្ឋាភិបាល ដែលមានទីតាំងនៅលើទឹកដី រុស្ស៊ី។

ស្លូវេនី និងក្រូអាស៊ី ត្រូវបានហាមឃាត់ មិនឲ្យជួលបុគ្គលិកនៅក្នុងបេសកកម្មការទូត និងការិយាល័យកុងស៊ុលរបស់ពួកគេ ឡើយ។

សេចក្តីថ្លែងការណ៍បន្តថា បញ្ជីនេះមិនមែនជាបញ្ជីចុងក្រោយទេ ហើយអាចនឹងត្រូវបានពង្រីកបន្ថែមទៀត៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ប្រធានាធិបតីបេឡារុស ទទួលស្គាល់ថា ប្រទេសរបស់គាត់ គឺ “ផ្តាច់ការ”