ព័ត៌មានអន្ដរជាតិ

រុស្ស៊ីបដិសេធថា ខ្លួនមិនបានបង្កឲ្យមានវិបត្តិស្បៀងអាហារពិភពលោក ទេ

បានផុស

៣ years មុន

នៅ

ថ្ងៃចន្ទ ២៥ កក្កដា ២០២២

ដោយ

រដ្ឋមន្ត្រីការបរទេសរុស្ស៊ី លោក Sergei Lavrov បានច្រានចោលការអះអាងដែលថា ទីក្រុងមូស្គូ បណ្តាលឲ្យមានវិបត្តិស្បៀងអាហារពិភពលោក។

ក្នុងសុន្ទរកថាទៅកាន់ឯកអគ្គរដ្ឋទូតសម្ព័ន្ធអារ៉ាប់នៅទីក្រុងកែរ ប្រទេសអេហ្ស៊ីប លោក Lavrov បាននិយាយថា ប្រទេសលោកខាងលិច កំពុងបំភ្លៃការពិត អំពីផលប៉ះពាល់នៃទណ្ឌកម្មលើសន្តិសុខស្បៀងពិភពលោក។

លោកបានចោទប្រទេសលោកខាងលិចថា កំពុងព្យាយាមដាក់ឥទ្ធិពលរបស់ខ្លួនលើអ្នកដទៃ។

គួរបញ្ជាក់ថា ភាគច្រើននៃពិភពអារ៉ាប់ និងអាហ្រ្វិក បានរងផលប៉ះពាល់យ៉ាងធ្ងន់ធ្ងរ ដោយសារកង្វះគ្រាប់ធញ្ញជាតិ ដែលបណ្តាលមកពីសង្គ្រាមរបស់រុស្ស៊ីនៅអ៊ុយក្រែន។

កិច្ចព្រមព្រៀងដ៏សំខាន់មួយ ដែលចុះហត្ថលេខាកាលពីថ្ងៃសុក្រដើម្បីចាប់ផ្តើមនាំចេញគ្រាប់ធញ្ញជាតិរបស់អ៊ុយក្រែនឡើងវិញ ត្រូវជាប់គាំងបន្ទាប់ពីប្រទេសរុស្ស៊ី វាយប្រហារគោលដៅនៅក្នុងកំពង់ផែ Odesa កាលពីថ្ងៃសៅរ៍។

លោក Lavrov នឹងបន្តទៅទស្សនកិច្ចប្រទេសអាហ្វ្រិកចំនួនបី ដើម្បីប្រមូលផ្តុំគាំទ្រចំពេលមានកំហឹងជុំវិញសង្រ្គាមរុស្ស៊ី-អ៊ុយក្រែន៕

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិក ផ្តល់ជំនួយយោធាថ្មី ក្នុងទំហំទឹកប្រាក់ ២៧០ លានដុល្លារបន្ថែមទៀតដល់ អ៊ុយក្រែន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត