Connect with us

ព័ត៌មានអន្ដរជាតិ

ស្អែកនេះ លោកស្រី Pelosi ដឹកនាំគណៈប្រតិភូមកអាស៊ី តែមិនប្រាកដថា ចូល តៃវ៉ាន់ ឬអត់

បានផុស

នៅ

ប្រភពចំនួនពីរបាននិយាយថា ប្រធានសភាអាមេរិក លោកស្រី Nancy Pelosi នឹងដឹកនាំគណៈប្រតិភូសភាជាផ្លូវការ មកកាន់តំបន់អាស៊ីនៅថ្ងៃសៅរ៍នេះ បើទោះបីជាគេមិនច្បាស់ថាតើ ដំណើរនេះនឹងរួមបញ្ចូលទាំងការឈប់សំចតនៅកោះ តៃវ៉ាន់ ​ដែរឬអត់ក៏ដោយ។

ប្រភព​មួយ​ក្នុង​ចំណោម​ប្រភព​ទាំង២ បាន​និយាយ​ថា អាមេរិកបាន​ ដាក់​ដំណើរ​ទស្សនកិច្ច​នៅកោះ​តៃវ៉ាន់​ ស្ថិតក្នុងភាពមិនច្បាស់លាស់។ ការធ្វើ​ទស្សនកិច្ច​នេះ ​នឹង​រួម​មាន​ដំណើរ​​ទៅ​កាន់​ប្រទេស​សម្ព័ន្ធមិត្ត​អាស៊ីដូចជា ជប៉ុន កូរ៉េ​ខាង​ត្បូង ម៉ាឡេស៊ី និង​សិង្ហបុរី។

សារព័ត៌មាន Bloomberg បានរាយការណ៍ជាលើកដំបូងថា គណៈប្រតិភូរបស់លោកស្រី Pelosi នឹងចាកចេញនៅថ្ងៃសៅរ៍ ដែលជាថ្ងៃចុងក្រោយនៃសម័យប្រជុំសភា មុនពេលឈប់សម្រាកពេញមួយខែសីហា។

លោកស្រី Nancy Pelosi
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងមួយទៀត អ្នកតំណាង Rick Larsen បាននិយាយថា មន្ត្រីចិនកំពុងដាក់សម្ពាធឲ្យលោកព្យាយាម បញ្ឈប់ការធ្វើដំណើររបស់លោកស្រី Pelosi ទៅកាន់កោះតៃវ៉ាន់។ លោក​បាន​និយាយ​ក្នុង​បទ​សម្ភាសន៍​មួយ​ថា មន្ត្រី​ស្ថានទូត​ចិន ​បាន​ទូរស័ព្ទ​ទៅ​ការិយាល័យ​របស់​លោក ហើយ​ទាមទារ​ឲ្យ​លោក​ប្រាប់ប្រធានសភាថា កុំចេញដំណើរឲ្យសោះ។

កាលពីថ្ងៃចន្ទដើមសប្តាហ៍ អគ្គកុងស៊ុលរបស់ប្រទេសចិនប្រចាំនៅទីក្រុង San Francisco បានផ្ញើសារស្រដៀងគ្នានេះ ទៅកាន់លោក Larsen ដោយផ្ទាល់ ក្នុងអំឡុងពេលកិច្ចនៅសង្កាត់ Seattle។

លោក Rick Larsen

លោកស្រី Pelosi បានអញ្ជើញសមាជិកសភាជាន់ខ្ពស់ ឲ្យចូលរួមជាមួយលោកស្រីក្នុងដំណើរនេះ ដោយក្នុងនោះរួមមានទាំងប្រធានគណៈកម្មាធិការកិច្ចការបរទេសរបស់សភាលោក Gregory Meeks និងប្រធានគណៈកម្មាធិការកិច្ចការអតីតយុទ្ធជន លោក Mark Takano ដែលបានដឹកនាំគណៈប្រតិភូសមាជិកសភា ទៅកាន់កោះតៃវ៉ាន់កាលពីឆ្នាំមុន។

យ៉ាងណាក្តី លោក Takano បានបដិសេធ ធ្វើអត្ថាធិប្បាយអំពីការធ្វើដំណើរនេះ ខណៈអ្នកនាំពាក្យលោកស្រី Pelosi គឺលោក Drew Hammill ក៏បដិសេធធ្វើអត្ថាធិប្បាយដែរ៕

ប្រែសម្រួល៖ Vann Vann

ប្រភព៖ Yahoo

ចុចអាន៖ នាវាផ្ទុកយន្តហោះអាមេរិក វិលចូលសមុទ្រចិនខាងត្បូងវិញ ចំពេលតានតឹងជាមួយ ក្រុងប៉េកាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤ ម៉ោង មុន

នគរបាល​ឡោមព័ទ្ធ​ខុន​ដូ​មួយ​កន្លែងទាំងយប់ ឃាត់​ជន​បរទេស​ប្រុសស្រីជាង ១០០នាក់

ព័ត៌មានជាតិ៥ ម៉ោង មុន

លោក ហេង សួរ ៖ កិច្ច​ប្រជុំកំពូលវាយនភណ្ឌសកល នឹង​ធ្វើ​ឱ្យ​កម្ពុជា​ក្លាយ​ជាគោលដៅ​ទាក់ទាញទាំងអាជីវកម្មនិងវិនិយោគទុន 

ព័ត៌មានជាតិ៦ ម៉ោង មុន

សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភ​​ជា​ប្រចាំ​ខែ​ដល់​កុមារ​កំព្រា និងកុមារ​មាន​ទុក្ខលំបាក​នៅ​មណ្ឌលមែកឈើ

ព័ត៌មានជាតិ៧ ម៉ោង មុន

រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល

សេចក្ដីជូនដំណឹង៨ ម៉ោង មុន

ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards

Sokha Hotels

ព័ត៌មានពេញនិយម