ព័ត៌មានអន្ដរជាតិ
ចេញដំណើរលើកដំបូង ដឹងទេ កប៉ាល់ដឹកពោតប៉ុន្មានតោនពីកំពង់ផែ អ៊ុយក្រែន?
លោក Oleksandr Kubrakov រដ្ឋមន្ត្រីក្រសួងហេដ្ឋារចនាសម្ព័ន្ធអ៊ុយក្រែនបាននិយាយលើបណ្ដាញ Twitter ថា កប៉ាល់ដឹកទំនិញស្ងួតលើកដំបូងដែលមានទង់ជាតិប្រទេសសៀរ៉ាឡេអូនឈ្មោះ Razoni បានផ្ទុកពោតចំនួន ២៦,០០០ តោន ។

នាវា Razoni បានចាកចេញពីកំពង់ផែ Odesa កាលពីព្រឹកថ្ងៃចន្ទដើម្បីទៅកាន់ប្រទេសលីបង់ ហើយវានឹងត្រូវត្រួតពិនិត្យបន្ថែមទៀតនៅក្នុងទីក្រុងអ៊ីស្តង់ប៊ុលរបស់ប្រទេសតួកគី មុនពេលបន្តទៅកាន់ទីក្រុងទ្រីប៉ូលីរបស់ប្រទេសលីបង់ ។
រុស្ស៊ី និងអ៊ុយក្រែនបានចុះហត្ថលេខាលើកិច្ចព្រមព្រៀងដាច់ដោយឡែកពីគ្នាជាមួយប្រទេសតួកគី និងអង្គការសហប្រជាជាតិ (UN) លើការបើកផ្លូវដឹកជញ្ជូនសម្រាប់អ៊ុយក្រែន ដែលជាកន្លែងស្បៀងអាហារដ៏សំខាន់មួយរបស់ពិភពលោក ដើម្បីនាំចេញគ្រាប់ធញ្ញជាតិ ២២ លានតោន និងទំនិញកសិកម្មផ្សេងទៀតដែលជាប់គាំងនៅក្នុងកំពង់ផែសមុទ្រខ្មៅ ដោយសារតែជម្លោះ ។

ទន្ទឹមនោះលោក Kubrakov បាននិយាយថា កប៉ាល់ចំនួន ១៦ ផ្សេងទៀតក៏កំពុងរង់ចាំការចាកចេញពីកំពង់ផែរបស់អ៊ុយក្រែនតាមច្រករបៀងដែលមានសុវត្ថិភាព ស្របតាមកិច្ចព្រមព្រៀងដែលបានចុះហត្ថលេខានៅទីក្រុងអ៊ីស្តង់ប៊ុល ។
កិច្ចព្រមព្រៀងនេះមានគោលបំណងអនុញ្ញាតឲ្យមានការឆ្លងកាត់ប្រកបដោយសុវត្ថិភាពនៃការដឹកជញ្ជូនគ្រាប់ធញ្ញជាតិចូល និងចេញពីកំពង់ផែ Odesa ក៏ដូចជាកំពង់ផែ Chornomorsk និងកំពង់ផែ Pivdennyi ដែលនៅក្បែរនោះ ។

យោងតាមអង្គការសហប្រជាជាតិ (UN) បានឲ្យដឹងថា កម្មវិធីស្បៀងអាហារពិភពលោកក៏គ្រោងនឹងទិញ ផ្ទុក និងដឹកជញ្ជូនស្រូវសាលីដំបូងចំនួន ៣០,០០០ តោនចេញពីអ៊ុយក្រែននៅលើកប៉ាល់ដែលជួលដោយអង្គការសហប្រជាជាតិផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sky News
ចុចអាន ៖ កប៉ាល់ដឹកគ្រាប់ធញ្ញជាតិត្រៀមចេញដំណើរការដើម្បីដោះស្រាយវិបត្តិស្បៀងអាហារពិភពលោក

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ