ពេលនេះ លោកស្រី Pelosi ទៅដល់សភាតៃវ៉ាន់ ហើយ (មានវីដេអូ)

ប្រធានសភាអាមេរិក លោកស្រី Nancy Pelosi បានចាប់ផ្តើមដំណើរទស្សនកិច្ចនៅកោះតៃវ៉ាន់ហើយ ដោយនៅពេលនេះ លោកស្រីបានទៅដល់សភា របស់ទីក្រុងតៃប៉ិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Pelosi ដែលបានទៅដល់ទីក្រុងតៃប៉ិកាលពីយប់ថ្ងៃអង្គារទី០២ខែសីហា ត្រូវបានគេរំពឹងថានឹងជួបជាមួយអ្នកនយោបាយ និងសកម្មជនក្នុងអំឡុងពេលធ្វើដំណើរទៅកាន់កោះតៃវ៉ាន់ ខណៈដំណើរទស្សនកិច្ចនេះបានបង្កឲ្យមានការឆ្លើយតបយ៉ាងខ្លាំងក្លាពីសំណាក់ទីក្រុងប៉េកាំង។

លោកស្រី និងសមាជិកសភាអាមេរិកចំនួនប្រាំរូប នឹងជួបជាមួយអនុប្រធានសភាតៃវ៉ាន់លោក Tsai Chi-chang បន្ទាប់ពីប្រធានសភាលោក Yu Shyi-kun បានធ្វើតេស្តវិជ្ជមានជំងឺកូវីដ១៩។

នៅម៉ោង ១០:៣០ ព្រឹក (ម៉ោងនៅតៃវ៉ាន់) គណៈប្រតិភូរបស់លោកស្រី Pelosi ត្រូវបានគេរំពឹងថានឹងជួបជាមួយប្រធានាធិបតីតៃវ៉ាន់ លោកស្រី Tsai Ing-wen បន្ទាប់មកជួបជាមួយអ្នកសារព័ត៌មានមួយក្រុមតូចនៅម៉ោង ១០:៥០ព្រឹក។

លោកស្រី Pelosi នឹងទទួលទានអាហារថ្ងៃត្រង់ជាមួយលោកស្រី Tsai មុនពេលធ្វើដំណើរទៅកាន់ឧទ្យានសិទ្ធិមនុស្សក្នុងទីក្រុងតៃប៉ិនៅម៉ោង ២ រសៀល ដោយនៅទីនោះ លោកស្រីនឹងជួបសកម្មជនសិទ្ធិមនុស្សជាច្រើននាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SCMP

ចុចអាន៖ ចិន នឹង ធ្វើ គ្រប់យ៉ាង ដើម្បី បង្រួបបង្រួម តៃវ៉ាន់ ដោយ សន្តិវិធី