អាមេរិក ថា លោកខាងលិច ជិតអស់លុយឲ្យ អ៊ុយក្រែន ហើយ

អតីតមន្ត្រីយោធាអាមេរិកកំពូលមួយរូបបាននិយាយថា នៅពេលខាងមុខលោកខាងលិចនឹងលែងចាប់អារម្មណ៍ក្នុងជម្លោះអ៊ុយក្រែនហើយ ហើយចុងបញ្ចប់ពួកគេនឹងអស់ធនធានដើម្បីគាំទ្ររដ្ឋាភិបាលទីក្រុងកៀវក្នុងសង្រ្គាមរបស់ខ្លួនប្រឆាំងនឹងរុស្ស៊ី ។

លោកវរសេនីយ៍ឯក Douglas MacGregor ដែលជាមន្ត្រីយោធា​ចូល​និវត្តន៍​បាន​ប្រាប់លោក​ចៅក្រម Andrew Napolitano ក្នុងបទសម្ភាសន៍នៅ​លើឆាលែល YouTube របស់​លោក​កាល​ពី​ដើមសប្ដាហ៍នេះថា “លោកខាងលិចនឹងអស់យុទ្ធសាស្ត្រ ហើយ​មានតែ​កម្លាំង​ចិត្តប៉ុណ្ណោះក្នុងការជួយដល់អ៊ុយក្រែន​” ។

មន្ត្រីយោធាចូលនិវត្តន៍រូបនេះបញ្ជាក់ទៀតថា ការអស់លុយរបស់លោកខាងលិចសម្រាប់បញ្ជូនទៅអ៊ុយក្រែន គឺដោយសារតែជំនួយយោធាភាគច្រើនដែលបានកំណត់សម្រាប់រដ្ឋាភិបាលទីក្រុងកៀវ មិនដែលទៅដល់ប្រទេសនេះនោះទេ​” ។

លោក MacGregor បញ្ជាក់ថា “ចំណែកទស្សនៈផ្ទាល់ខ្លួនរបស់ខ្ញុំពាក់ព័ន្ធនឹងការលុកលុយរបស់រុស្ស៊ីគឺថា សង្រ្គាមនៅអ៊ុយក្រែននឹងមិនបញ្ចប់ដោយការគំរាមកំហែងបន្តទៀតនោះទេ ប៉ុន្តែគឺដោយសារតែការត្រជាក់ចិត្តរៀងៗខ្លួន ជាពិសេសការអស់ធនធានដោយស្ងាត់ៗសម្រាប់ផ្ដល់ឲ្យអ៊ុយក្រែន” ។

ចំណែកទាក់ទិននឹងកញ្ចប់ជំនួយវិញ ថ្មីៗនេះសហរដ្ឋអាមេរិកកំពុងបញ្ជូនទាំងជំនួយសេដ្ឋកិច្ច និងយោធាប្រហែល ៥៤ ពាន់លានដុល្លារបន្ថែមទៀតទៅឲ្យអ៊ុយក្រែន ខណៈប្រហែល ១២ ពាន់លានដុល្លារជាជំនួយអាវុធ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អាមេរិក កំពុងភ័យអស់ប្រព័ន្ធអាវុធ HIMARS ឲ្យ អ៊ុយក្រែន