ក្រុងតៃប៉ិ ថ្កោលទោស ចិន​ ខ្លាំងៗ ចំពោះសមយុទ្ធបាញ់គ្រាប់ពិត នៅជុំវិញកោះ តៃវ៉ាន់ (មានវីដេអូ)

រដ្ឋាភិបាលតៃវ៉ាន់​ ទើបតែបានចេញការថ្កោលទោសខ្លាំងៗចំពោះប្រទេសចិន​ សម្រាប់សមយុទ្ធបាញ់គ្រាប់ពិតនៅតាមទីតាំងនានា ជុំវិញកោះនេះក្នុងការឆ្លើយតបដ៏សំខាន់របស់ទីក្រុងប៉េកាំង ចំពោះដំណើរទស្សនកិច្ចរបស់ប្រធានសភាអាមេរិក លោកស្រី Pelosi។

យោធានិយាយថា សមយុទ្ធបែបនេះបានលុកលុយទឹកដីរបស់តៃវ៉ាន់ ហើយនាំឲ្យមានការបិទផ្លូវអាកាស និងលំហសមុទ្ររបស់តៃវ៉ាន់។

ស្របពេលជាមួយគ្នានោះ លោកស្រីប្រធានាធិបតី Tsai ក៏​បាន​រិះគន់​សមយុទ្ធ​នេះ​ផងដែរ ដោយ​និយាយ​ថា វាជា​ប្រតិកម្ម​ដែល​មិន​ចាំបាច់ ហើយ​តៃវ៉ាន់ ​ប្តេជ្ញា​រក្សា​ស្ថានភាព​ដដែល​នៅ​ទូទាំង​ច្រក​សមុទ្រ​តៃវ៉ាន់។

ចំណែកក្រសួងការពារជាតិតៃវ៉ាន់បាននិយាយថា យោធារបស់ខ្លួននឹង ប្រឆាំងរាល់សកម្មភាពដែលរំលោភលើអធិបតេយ្យភាពដែនដីរបស់តៃវ៉ាន់។

រីឯក្រុង​ប៉េកាំងឯណោះវិញ​និយាយ​ថា យន្តហោះ​ឬ​កប៉ាល់​បរទេស ​មិន​គួរ​ចូល​ក្នុង​តំបន់​នោះ​ទេ ខណៈ​ពេល​ដែល​សមយុទ្ធ​របស់​ពួកគេ​កំពុង​ដំណើរការ ខណៈតៃវ៉ាន់​អះអាង​ថា នេះ​ជា​ការ​បំពាន​ច្បាប់​អន្តរជាតិ និង​ច្បាប់​ពាណិជ្ជកម្ម​ និង​​ដឹក​ជញ្ជូនសកល៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ សេចក្តី ថ្លែងការណ៍ ចេញ ពី រាជធានី ភ្នំពេញ, រដ្ឋមន្ត្រីការបរទេសចិន ថា ដំណើររបស់លោកស្រី Pelosi ទៅតៃវ៉ាន់ គឺ “គ្រោះថ្នាក់ និងឆោតល្ងង់”