ព័ត៌មានអន្ដរជាតិ

ថៃ អះអាងកូវីដ ១៩ មិនអាចឆ្លងចូលក្នុងខ្លួនសត្វរស់ក្នុងទឹកបានឡើយ

បានផុស

៤ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

នាយកដ្ឋានជលផលប្រទេសថៃ នៅថ្ងៃព្រហស្បត្តិ៍ បានអះអាងថា វីរុសកូវីដ ១៩ មិនបានរកឃើញមានក្នុងសត្វដែលរស់ក្នុងទឹកនោះឡើយ ព្រោះសត្វទាំងនោះគឺជាសត្វឈាមត្រជាក់ គ្មានសួត ដកដង្ហើមដោយស្រកី ខណៈភ្នាសកោសិការបស់សត្វទាំងនោះ គឺខុសពីមនុស្ស។ ហេតុនេះកុំឲ្យពលរដ្ឋមានការបារម្ភ មិនហានបរិភោគគ្រឿងសមុទ្រនោះ។ នេះជាការអះអាងរបស់លោក Meesak Pakdeekhong ប្រធាននាយកដ្ឋានជលផលប្រទេសថៃ និងចេញផ្សាយលើកាសែតក្នុងស្រុកប្រទេសនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Meesak Pakdeekhong បញ្ជាក់ទៀតថា មានឱកាសតិចតួចបំផុតសម្រាប់វីរុសកូវីដ ១៩ ដែលអាចបំប្លែងខ្លួនឆ្លងចូលទៅកាន់កោសិការបស់សត្វរស់ក្នុងទឹក។ លោកថា មកទល់នឹងពេលនេះ ក៏មិនទាន់មានភស្តុតាងណាមួយរកឃើញពីការឆ្លងជំងឺកូវីដ ១៩ ទៅលើសត្វនោះដែរ។

អ្វីដែលពលរដ្ឋត្រូវធ្វើ គឺសត្វលាងសម្អាតអាហារទាំងនោះ និងលាងដៃឲ្យបានត្រឹមត្រូវ ហើយចម្អិនឲ្យបាន ៣០នាទី ក្នុងសីតុណ្ហភាព ៥៦អង្សារ ឬអាចលឿនជាងនេះ បើប្រើសីតុណ្ហភាពកាន់តែខ្លាំង។

ការបំភ្លឺពីនាយកដ្ឋានជលផលថៃ ធ្វើឡើងក្រោយមនុស្សជាច្រើនមានការខ្លាចរអាឆ្លងកូវីដ ១៩ ដោយសាញ៉ាំគ្រឿងសមុទ្រ ព្រោះរលករាតត្បាតក្នុងប្រទេសថៃថ្មីៗនេះ គឺចេញពីផ្សារបង្គារដ៏ធំមួយនៅខេត្ត សាមុ សាខន។

ទោះជាយ៉ាងណា តាមប្រភពព័ត៌មានពីប្រទេសឡាវ ប្រទេសនេះបានសម្រេចផ្អាកការនាំចូលគ្រឿងសមុទ្រពីប្រទេសថៃ ដោយសារភ័យខ្លាចឆ្លងរាតត្បាតជំងឺកូវីដ ១៩ ក្នុងប្រទេសខ្លួន៕

ប្រែសម្រួល៖ សុភា
ប្រភព៖ Bangkok Post