ព័ត៌មានអន្ដរជាតិ

លោក វ៉ាង យី ព្រមានថា ផែនការរបស់អាមេរិក មិនអាចរារាំង ចិន ពីការបង្រួបបង្រួមជាមួយ តៃវ៉ាន់ បានឡើយ (មានវីដេអូ)

បានផុស

២ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

រដ្ឋមន្ត្រីការបរទេសចិន លោក វ៉ាង យី បានព្រមានថា ផែនការរបស់សហរដ្ឋអាមេរិក ក្នុងការរារាំងប្រទេសចិន នឹងមិនអាចទប់ស្កាត់ការបង្រួបបង្រួមរបស់តៃវ៉ាន់ ជាមួយដីគោកបាននោះទេ។

លោកបានប្រាប់អ្នកសារព័ត៌មាននៅថ្ងៃព្រហស្បតិ៍ទី០៤ខែសីហានេះថា “ផែនការរបស់សហរដ្ឋអាមេរិក ក្នុងការប្រើប្រាស់តៃវ៉ាន់ ដើម្បីរារាំងប្រទេសចិន នឹងមិនជោគជ័យឡើយ ហើយនឹងមិនអាចផ្លាស់ប្តូរនិន្នាការប្រវត្តិសាស្ត្រនៃការបង្រួបបង្រួមរបស់តៃវ៉ាន់ដែលជិតមកដល់ នោះទេ”។

យោងតាមលោក វ៉ាង យី, ការញុះញង់របស់សហរដ្ឋអាមេរិក នឹងរឹតតែជំរុញឲ្យប្រជាជនចិនចំនួន១.៤ពាន់លាននាក់ រួបរួមគ្នា និងពន្លឿនការបង្កើតរដ្ឋសង្គមនិយមសម័យទំនើបដែលមានចរិតលក្ខណៈចិន។

លោក វ៉ាង ក៏បាននិយាយដែរថា សកម្មភាពបង្កហេតុរបស់ទីក្រុងវ៉ាស៊ីនតោន ទាក់ទងនឹងបញ្ហាតៃវ៉ាន់ មិនមែនជារឿងចៃដន្យនោះទេ ហើយថា នេះគឺជាការគ្រោងទុកយ៉ាងល្អិតល្អន់។ សហរដ្ឋអាមេរិក បានលាតត្រដាងមុខដ៏អាក្រក់ នៃភាពក្បត់ដាក់សហគមន៍អន្តរជាតិទាំងមូល។

គួរបញ្ជាក់ថា ការព្រមាននេះបានកើតឡើងបន្ទាប់ពីលោក វ៉ាង យី ក៏បានព្រមានផងដែរកាលពីថ្ងៃពុធថា ទីក្រុងប៉េកាំងនឹងមិនទុកកន្លែងសម្រាប់សកម្មភាពចំពោះកងកម្លាំងឯករាជ្យដែលគាំទ្រតៃវ៉ាន់ ឬការជ្រៀតជ្រែកពីកម្លាំងខាងក្រៅឡើយ។ លោកអះអាងថា ការប៉ុនប៉ងប្រើប្រាស់តៃវ៉ាន់ ដើម្បីរារាំងប្រទេសចិន នឹងត្រូវបរាជ័យ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ មីស៊ីលល្បឿនលឿនជាងសំឡេង ទំនើបបំផុតរបស់ចិន បង្ហាញខ្លួនក្នុងសមយុទ្ធ ជុំវិញកោះតៃវ៉ាន់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត